Isaiah 1:1    חֲזֹון יְשַֽׁעְיָהוּ בֶן אָמֹוץ אֲשֶׁר חָזָה עַל יְהוּדָה וִירוּשָׁלִָם--בִּימֵי עֻזִּיָּהוּ יֹותָם אָחָז יְחִזְקִיָּהוּ מַלְכֵי יְהוּדָֽה׃
Isaiah 1:1    ׃
Isaiah 1:2    שִׁמְעוּ שָׁמַיִם וְהַאֲזִינִי אֶרֶץ כִּי יְהוָה דִּבֵּר בָּנִים גִּדַּלְתִּי וְרֹומַמְתִּי וְהֵם פָּשְׁעוּ בִֽי׃
Isaiah 1:2    ׃
Isaiah 1:3     יָדַע שֹׁור קֹנֵהוּ וַחֲמֹור אֵבוּס בְּעָלָיו יִשְׂרָאֵל לֹא יָדַע עַמִּי לֹא הִתְבֹּונָֽן׃
Isaiah 1:3     ׃
ָIsaiah 1:4    הוי גֹּוי חֹטֵא עַם כֶּבֶד עָוֹן--זֶרַע מְרֵעִים בָּנִים מַשְׁחִיתִים עָזְבוּ אֶת יְהוָה נִֽאֲצוּ אֶת קְדֹושׁ יִשְׂרָאֵל--נָזֹרוּ אָחֹֽור׃
Isaiah 1:4    ׃
Isaiah 1:5    עַל מֶה תֻכּוּ עֹוד תֹּוסִיפוּ סָרָה כָּל רֹאשׁ לָחֳלִי וְכָל לֵבָב דַּוָּֽי׃
Isaiah 1:5     ׃
Isaiah 1:6    מִכַּף רֶגֶל וְעַד רֹאשׁ אֵֽין בֹּו מְתֹם פֶּצַע וְחַבּוּרָה וּמַכָּה טְרִיָּה לֹא זֹרוּ וְלֹא חֻבָּשׁוּ וְלֹא רֻכְּכָה בַּשָּֽׁמֶן׃
Isaiah 1:6     ׃
Isaiah 1:7    א ַרְצְכֶם שְׁמָמָה עָרֵיכֶם שְׂרֻפֹות אֵשׁ אַדְמַתְכֶם לְנֶגְדְּכֶם זָרִים אֹכְלִים אֹתָהּ וּשְׁמָמָה כְּמַהְפֵּכַת זָרִֽים׃
Isaiah 1:7     ׃
Isaiah 1:8      וְנֹותְרָה בַת צִיֹּון כְּסֻכָּה בְכָרֶם כִּמְלוּנָה בְמִקְשָׁה כְּעִיר נְצוּרָֽה׃
Isaiah 1:8     ׃
Isaiah 1:9      לוּלֵי יְהוָה צְבָאֹות הֹותִיר לָנוּ שָׂרִיד כִּמְעָט--כִּסְדֹם הָיִינוּ לַעֲמֹרָה דָּמִֽינוּ׃
Isaiah 1:9      ׃
Isaiah 1:10    שִׁמְעוּ דְבַר יְהוָה קְצִינֵי סְדֹם הַאֲזִינוּ תֹּורַת אֱלֹהֵינוּ עַם עֲמֹרָֽה׃
Isaiah 1:10    ׃
Isaiah 1:11    לָמָּה לִּי רֹב זִבְחֵיכֶם יֹאמַר יְהוָה שָׂבַעְתִּי עֹלֹות אֵילִים וְחֵלֶב מְרִיאִים וְדַם פָּרִים וּכְבָשִׂים וְעַתּוּדִים לֹא חָפָֽצְתִּי׃
Isaiah 1:11    ׃
Isaiah 1:12    כִּי תָבֹאוּ לֵרָאֹות פָּנָי--מִי בִקֵּשׁ זֹאת מִיֶּדְכֶם רְמֹס חֲצֵרָֽי׃
Isaiah 1:12    ׃
Isaiah 1:13    לֹא תֹוסִיפוּ הָבִיא מִנְחַת שָׁוְא--קְטֹרֶת תֹּועֵבָה הִיא לִי חֹדֶשׁ וְשַׁבָּת קְרֹא מִקְרָא לֹא אוּכַל אָוֶן וַעֲצָרָֽה׃
Isaiah 1:13    ׃
Isaiah 1:14    חָדְשֵׁיכֶם וּמֹועֲדֵיכֶם שָׂנְאָה נַפְשִׁי הָיוּ עָלַי לָטֹרַח נִלְאֵיתִי נְשֹֽׂא׃
Isaiah 1:14    ׃
Isaiah 1:15    וּבְפָרִשְׂכֶם כַּפֵּיכֶם אַעְלִים עֵינַי מִכֶּם--גַּם כִּֽי תַרְבּוּ תְפִלָּה אֵינֶנִּי שֹׁמֵעַ יְדֵיכֶם דָּמִים מָלֵֽאוּ׃
Isaiah 1:15    ׃
Isaiah 1:16    מאון רַחֲצוּ--הִזַּכּוּ והָסִירוּ רֹעַ מַעַלְלֵיכֶם מִנֶּגֶד עֵינָי חִדְלוּ הָרֵֽעַ׃
Isaiah 1:16    ׃
Isaiah 1:17     לִמְדוּ הֵיטֵב דִּרְשׁוּ מִשְׁפָּט אַשְּׁרוּ חָמֹוץ שִׁפְטוּ יָאתֹום רִיבוּ אַלְמָנָֽה׃
Isaiah 1:17    ׃
Isaiah 1:18     לְכוּ נָא וְנִוָּֽכְחָה יֹאמַר יְהוָה אִם יִֽהְיוּ חֲטָאֵיכֶם כַּשָּׁנִים כשני כַּשֶּׁלֶג יַלְבִּינוּ אִם יַאְדִּימוּ כַתֹּולָע כַּצֶּמֶר יִהְיֽוּ׃
Isaiah 1:18    ׃
Isaiah 1:19     אִם תֹּאבוּ וּשְׁמַעְתֶּם טוּב הָאָרֶץ תֹּאכֵֽלוּ׃
Isaiah 1:19    ׃
Isaiah 1:20     וְאִם תְּמָאֲנוּ וּמְרִיתֶם חֶרֶב תְּאֻכְּלוּ כִּי פִּי יְהוָה דִּבֵּֽר׃
Isaiah 1:20    ׃
Isaiah 1:21     אֵיכָה הָיְתָה לְזֹונָה קִרְיָה נֶאֱמָנָה מְלֵאֲתִי מִשְׁפָּט צֶדֶק יָלִין בָּהּ--וְעַתָּה מְרַצְּחִֽים׃
Isaiah 1:21    ׃
Isaiah 1:22     כַּסְפֵּךְ הָיָה לְסִיגִים סָבְאֵךְ מָהוּל בַּמָּֽיִם׃
Isaiah 1:22     ׃
Isaiah 1:23     שָׂרַיִךְ סֹורְרִים וְחַבְרֵי גַּנָּבִים--כֻּלֹּו אֹהֵב שֹׁחַד וְרֹדֵף שַׁלְמֹנִים יָתֹום לֹא יִשְׁפֹּטוּ וְרִיב אַלְמָנָה לֹֽא יָבֹוא אֲלֵיהֶֽם׃
Isaiah 1:23     ׃
Isaiah 1:24      לָכֵן נְאֻם הָֽאָדֹון יְהוָה צְבָאֹות--אֲבִיר יִשְׂרָאֵל הֹוי אֶנָּחֵם מִצָּרַי וְאִנָּקְמָה מֵאֹויְבָֽי׃
Isaiah 1:24     ׃
Isaiah 1:25      וְאָשִׁיבָה יָדִי עָלַיִךְ וְאֶצְרֹף כַּבֹּר סִיגָיִךְ וְאָסִירָה כָּל בְּדִילָֽיִךְ׃
Isaiah 1:25     ׃
Isaiah 1:26     וְאָשִׁיבָה שֹׁפְטַיִךְ כְּבָרִאשֹׁנָה וְיֹעֲצַיִךְ כְּבַתְּחִלָּה אַחֲרֵי כֵן יִקָּרֵא לָךְ עִיר הַצֶּדֶק--קִרְיָה נֶאֱמָנָֽה׃
Isaiah 1:26    ׃
Isaiah 1:27     צִיֹּון בְּמִשְׁפָּט תִּפָּדֶה וְשָׁבֶיהָ בִּצְדָקָֽה׃
Isaiah 1:27    ׃
Isaiah 1:28     וְשֶׁבֶר פֹּשְׁעִים וְחַטָּאִים יַחְדָּו וְעֹזְבֵי יְהוָה יִכְלֽוּ׃
Isaiah 1:28    ׃
Isaiah 1:29    כִּי יֵבֹשׁוּ מֵאֵילִים אֲשֶׁר חֲמַדְתֶּם וְתַחְפְּרוּ--מֵהַגַּנֹּות אֲשֶׁר בְּחַרְתֶּֽם׃
Isaiah 1:29    ׃
Isaiah 1:30     כִּי תִֽהְיוּ כְּאֵלָה נֹבֶלֶת עָלֶהָ וּֽכְגַנָּה אֲשֶׁר מַיִם אֵין לָֽהּ׃
Isaiah 1:30    ׃
Isaiah 1:31     לא וְהָיָה הֶחָסֹן לִנְעֹרֶת וּפֹעֲלֹו לְנִיצֹוץ וּבָעֲרוּ שְׁנֵיהֶם יַחְדָּו וְאֵין מְכַבֶּֽה׃
Isaiah 1:31    ׃

Verses are taken from Codex Aleppo Scroll. http://www.archive.org/details/Aleppo_Codex
Verses transcribed by ing. Bodin Florin Ciprian (orynider @ gmail.com) in 2020 and missing redish words from broken margins are from original Isaiah Scroll, http://beitdina.net/aleppo