1 לַמְנַצֵּחַ בִּנְגִינֹות עַֽל-הַשְּׁמִינִית מִזְמֹור לְדָוִֽד׃
2 יְֽהוָה אַל-בְּאַפְּךָ תֹוכִיחֵנִי וְֽאַל-בַּחֲמָתְךָ תְיַסְּרֵֽנִי׃
3 חָנֵּנִי יְהוָה כִּי אֻמְלַל אָנִי רְפָאֵנִי יְהוָה כִּי נִבְהֲלוּ עֲצָמָֽי׃
4 וְנַפְשִׁי נִבְהֲלָה מְאֹד וְאַתְּ כ (וְאַתָּה ק) יְהוָה עַד-מָתָֽי׃
5 שׁוּבָה יְהוָה חַלְּצָה נַפְשִׁי הֹושִׁיעֵנִי לְמַעַן חַסְדֶּֽךָ׃
6 כִּי אֵין בַּמָּוֶת זִכְרֶךָ בִּשְׁאֹול מִי יֹֽודֶה-לָּֽךְ׃
7 יָגַעְתִּי בְּֽאַנְחָתִי אַשְׂחֶה בְכָל-לַיְלָה מִטָּתִי בְּדִמְעָתִי עַרְשִׂי אַמְסֶֽה׃
8 עָֽשְׁשָׁה מִכַּעַס עֵינִי עָֽתְקָה בְּכָל-צֹורְרָֽי׃
9 סוּרוּ מִמֶּנִּי כָּל־פֹּעֲלֵי אָוֶן כִּֽי-שָׁמַע יְהוָה קֹול בִּכְיִֽי׃
10 שָׁמַע יְהוָה תְּחִנָּתִי יְהוָה תְּֽפִלָּתִי יִקָּֽח׃
11 (6:11) יֵבֹשׁוּ וְיִבָּהֲלוּ מְאֹד כָּל־אֹיְבָי יָשֻׁבוּ יֵבֹשׁוּ רָֽגַע׃
Qumran:
6:1
למנצח
בנגינות על השמינית מזמור לדוד
6:2
יהוה
אל באפך תוכיחני ואל בהמתכה תיסרני
6:3
חונני
יהוה כי אמלל אני רפאני יהיה כי נבהלו
עצמי
6:4
ונפשי
נבהלה *מואדה*
ואת
יהוה עד מתי
6:6 כי
אין במות זכרכה בשאול מי יודה לכה
The interlinear chaper's verses on Beit Dina are
taken from Aleppo Codex Scroll (Public Domain) and were reconstructed by checking Lelingrad Codex
and the electronic text of Westmister Lelingrad Codexwith vowels and Codex Aleppo without vowels for e-Sword (PC
and MAC and IPod) or MySword (Android) or The Word (PC) of witch you
can find a Public Domain copy here .
The verses transcribed by
ing. Bodin Florin Ciprian (orynider@gmail.com) in year 2020.