1 לַמְנַצֵּחַ לְדָוִד מִזְמֹֽור׃
2 קַוֹּה קִוִּיתִי יְהוָה וַיֵּט אֵלַי וַיִּשְׁמַע שַׁוְעָתִֽי׃
3 וַיַּעֲלֵנִי מִבֹּור שָׁאֹון—מִטִּיט הַיָּוֵן וַיָּקֶם עַל-סֶלַע רַגְלַי כֹּונֵן אֲשֻׁרָֽי׃
4 וַיִּתֵּן בְּפִי שִׁיר חָדָשׁ—תְּהִלָּה לֵֽאלֹהֵינוּ יִרְאוּ רַבִּים וְיִירָאוּ וְיִבְטְחוּ בַּיהוָֽה׃
5 אַשְֽׁרֵי הַגֶּבֶר—אֲשֶׁר-שָׂם יְהֹוָה מִבְטַחֹו וְֽלֹא-פָנָה אֶל-רְהָבִים וְשָׂטֵי כָזָֽב׃
6 רַבֹּות עָשִׂיתָ
אַתָּה יְהוָה אֱלֹהַי—נִֽפְלְאֹתֶיךָ וּמַחְשְׁבֹתֶיךָ אֵלֵינוּ אֵין
עֲרֹךְ אֵלֶיךָ אַגִּידָה וַאֲדַבֵּרָה עָצְמוּ מִסַּפֵּֽר׃
7 זֶבַח וּמִנְחָה לֹֽא-חָפַצְתָּ—אָזְנַיִם כָּרִיתָ לִּי עֹולָה וַחֲטָאָה לֹא שָׁאָֽלְתָּ׃
8 אָז אָמַרְתִּי הִנֵּה-בָאתִי בִּמְגִלַּת-סֵפֶר כָּתוּב עָלָֽי׃
9 לַֽעֲשֹֽׂות-רְצֹונְךָ אֱלֹהַי חָפָצְתִּי וְתֹורָתְךָ בְּתֹוךְ מֵעָֽי׃
10 בִּשַּׂרְתִּי צֶדֶק בְּקָהָל רָב הִנֵּה שְׁפָתִי לֹא אֶכְלָא יְהוָה אַתָּה יָדָֽעְתָּ׃
11 צִדְקָתְךָ
לֹא כִסִּיתִי בְּתֹוךְ לִבִּי אֱמוּנָתְךָ וּתְשׁוּעָתְךָ אָמָרְתִּי
לֹא-כִחַדְתִּי חַסְדְּךָ וַאֲמִתְּךָ לְקָהָל רָֽב׃
12 אַתָּה יְהוָה—לֹא-תִכְלָא רַחֲמֶיךָ מִמֶּנִּי חַסְדְּךָ וַאֲמִתְּךָ תָּמִיד יִצְּרֽוּנִי׃
13 כִּי אָפְפוּ-עָלַי
רָעֹות עַד-אֵין מִסְפָּר—הִשִּׂיגוּנִי עֲוֹנֹתַי וְלֹא-יָכֹלְתִּי
לִרְאֹות עָצְמוּ מִשַּֽׂעֲרֹות רֹאשִׁי וְלִבִּי עֲזָבָֽנִי׃
14 רְצֵה יְהוָה לְהַצִּילֵ אָנִי יְהוָה לְעֶזְרָתִי חֽוּשָׁה׃
15 יֵבֹשׁוּ וְיַחְפְּרוּ יַחַד—מְבַקְשֵׁי נַפְשִׁי לִסְפֹּותָהּ יִסֹּגוּ אָחֹור וְיִכָּלְמוּ—חֲפֵצֵי רָעָתִֽי׃
16 יָשֹׁמּוּ עַל-עֵקֶב בָּשְׁתָּם—הָאֹמְרִים לִי הֶאָח הֶאָֽח׃
17 יָשִׂישׂוּ וְיִשְׂמְחוּ בְּךָ—כָּֽל-מְבַקְשֶׁיךָ יֹאמְרוּ תָמִיד יִגְדַּל יְהוָה אֹֽהֲבֵי—תְּשׁוּעָתֶֽךָוַאֲנִי עָנִי וְאֶבְיֹון—אֲדֹנָי יַחֲשָׁב-לִי עֶזְרָתִי וּמְפַלְטִי אַתָּה אֱלֹהַי אַל-תְּאַחַֽר׃
18 וַאֲנִי עָנִי וְאֶבְיֹון—אֲדֹנָי יַחֲשָׁב-לִי עֶזְרָתִי וּמְפַלְטִי אַתָּה אֱלֹהַי אַל-תְּאַחַֽר׃
The interlinear chaper's verses in Hebrew Alphabet are
taken from http://www.archive.org/details/Aleppo_Codex (Public Domain) and were reconstructed by checking Lelingrad Codex
and the electronic text of Westmister Lelingrad Codexwith vowels and Codex Aleppo without vowels for e-Sword (PC
and MAC and IPod) or MySword (Android) or The Word (PC) of witch you
can find a Public Domain copy here .
Veses transliterated are taken from Codex Aleppo Trasliterated
v. 0.3-ALPHA published as ALPA-TEST e-Sword and MySword modules by ing.
Bodin Florin Ciprian în 2018 at http://biblesupport.com/ .
The words diffrent in the original Dead Sea Scrolls published by Government of Israel are with blue, http://beitdina.net/aleppo/?dir=ro&lang=ro
This in-work translation for the Codex Aleppo
Interlinear is translated on-the-go and may be copyrighted by the
International Intitute of Bible Archeology and Language Reaserch "Beit
Dina".