(p. 1) 1 בקמאותא טלמס אלהה ית שומיה וית ארעה׃ 2 וארעה הות שאמה וחשכה על אפי תהומה וריח אלהה נשבה על אפי מיה׃ 3 ואמר אלהה הוה נהר והוה נהר׃ 4 וחזה אלהה ית נהרה הלא טב ואפרש אלהה בין נהרה ובין חשכה׃ 5 וזעק אלהה לנהרה אימם ולחשכה זעק ליליה והוה רמש צפר יומה חרה׃
6 ואמר אלהה הוה קפאיה במיסון מיה והוה מפרש בין מיה למיה׃ 7 ועבד אלהה ית קפאיה ואפרש בין מיה דמכתי לקפאיה ובין מיה דמלעל לקפאיה והוה דכן׃ 8 וזעק אלהה לקפאיה שומיה והוה רמש והוה צפר יומה תנינה׃
9 ואמר אלהה יתכנשון מיה דמכתי שומיה לאתר חדה ואתחזה יבשתה והוה דכן׃ 10 וזעק אלהה ליבשתה ארעה ולמכנשון מיה זעק ימיה וחזה אלהה הלא טב׃ 11 ואמר אלהה תיר ארעה יאר עסב מזרעה נוף ואילן פרי עבד פרי לגנסה דזרעה בה על ארעה והוה דכן׃ 12 ואפקת ארעה יאר עסב מלפלף לפלוף לגנוסה וחש עביד פרי דקטיפותה בה לגנוסה ועגל אלהה הלא טב׃ 13 והוה רמש והו צפר יומה תליתה׃
14 ואמר אלהה יהי נהירין בפלוק שומיה למנהרה על ארעה ולמפרק בין יומה ובין לילי ויונו לסימנין ולעדנין ולימים ושנין׃ 15 ויהונו למאורין בפלוך פלוק שומיה למנהרה על ארעה והוה כדן(דכן)׃ 16 ועבד אלה ית תרי מאוריה רברביה ית מלוי מאורה רבה למשלטת יומה וית מאורה זוערה למשלטת לילי וית כוכביה׃ 17 ושוה יתון אלה בשוביך שומיה למראה על ארעה׃ 18 ולמשלט ביומה ובלילי ולמפרק בין אורה ובין חשכה ועגל אלה הלא טב׃ 19 והוה רמש והוה צפר יומה רביעה׃
20 ואמר אלה יתלקפון מיה לקוף נפש חיה וקמץ ינפנף על ארעה על אפי פלוק חללה׃ 21 ובר אלה ית תלקסיתיה רברביה וית כל נפש חיתה דרמסת מיה לגנוסיתיה וית כל קמץ גנ?פר לגנוסה ועגל אלה הלא טב׃ (p. 2) 22 וברך יתון אלה למימר פושו וסגו ומלו ית מיה בימיה וקמצה יסגי בארעה׃ 23 והוה רמש והוה צפר יומה חמישה׃
24 ואמר אלה תפק ארעה נפש חיתה לגנסה בהמתה ורמס ועפיסת ארעה לגנסה והוה כדנ׃ 25 ועבד אלה ית עפיסת ארעה לגנסה וית כל בעלפוש אדמתה לגנוסה ועגל אלה הלא טב׃ 26 ואמר אלה נעבד אדם בצורתן וכתשביתן וישלטון בנונית ימה ובקמץ עללה ובבהמאתה ובכל ארעה ובכל רמסה רומיסה על ארעה׃ 27 וברא וכון אלה ית האדם בצורתה בצורת אלה כון יתה דכר ואנקבה כון יתונ׃
28 וברך יתון אלה ואמר לון אלה פושו וסגו ומלו ית ארעה ועמרו גליה ואשלטון בנונית ימה ובקמץ חללה ובכלול עפיסיה דרומיסת על ארעה׃ 29 ואמר אלה הא יהבת לכון ית כל עסב מלפלף לפלוף דעל אפי כל ארעה וית כל עילון דבה פרי עילן מלפלף לפלוף לוכון יהי למיכלה׃ 30 ולכל עפיסת ארעה ולכל קמץ חללה ולכל רומיסה על ארעה דבה נפש חיתה ית כל סליק עסב למיכלה והוה כדנ׃ 31 ועגל אלה ית כל דעבד והא טב שריר והוה רמש והוה צפר יומה שתיתה׃
1 ואתעסלו שומיה וארעה וכל חולקיונ׃ 2 וכלל אלה ביומה שתיתה פלענתה דעבד ובטל ביומה שביעה כלול פלענתה דעבד׃ 3 וברך אלה ית יומה שביעה וקדש יתה הלא בה בטל פסק לכלול פלענתה דטלמס אלהה למעבד׃
4 אלין תולדי שומיה וארעה בטלמסון ביומה דעבד יהוה אלה חללה וארעה׃ 5 וכל פענטוס ברה אדלה יהי בארעה וכל עסב חקלה(חלקה) אדלה יסק הלא לא המטיר יהוה אלה על ארעה ואנש לית למשמשה ית אדמתה׃ 6 וענן יסק מן ארעה וישקי ית כל אפי אדמתה׃ 7 וצער יהוה אלה ית האדם צעף מן אדמתה וזעף באגרין נסמת חיין יהוה אנש לנפש קעימה׃
8 ונצב יהוה אלה פרדיס בערן ממדענע ושוה תמן ית האדם דצער׃ 9 ואסק יהוה אלה מן אדמתה ית כל עילן עפלק למחזה וטב למיכלה ועילן חייה במיסון פרדיסה ועילן ידעת טב וביש׃ 10 ונהר יפק מן גנתה לפלוס ית פרדסה ומתמן יתפרק ויהי לארבעה נסולינ׃ 11 שם חדה פישון קדוף והוא הסחר(הסהר) ית כלול ארע חוילתה דתמן דדהבה׃ 12 ודהב ארעה ההיא טב שריר תמן פנקלה וכיף שהמה׃ (p. 3) 13 ושם הנהרה תנינה עמקוף והוא הסחר(הסהר) ית כל ארע כופינ׃ 14 ושם נהרה תליתה קפלוסה הוא הלוך מלכות הצפו ונהרה רביעה הוא פרת׃
15 ונסב יהוה אלה ית האדם ואקרה בפרדיס עדן למשמשה ולמטרה׃ 16 ופקר יהוה אלה על האדם למימר כל עילן גנתה אכל תיכל׃ 17 ומן עילן דמחכם טב וביש לא תיכל מנה הלא ביום מיכלך מנה שיוץ תשתיצ׃
18 ואמר יהוה אלה לית טב מהי אנשה לעודה אעבד לה סעד כקבלה׃ 19 וצער יהוה אלה עורי מן אדמתה ית כל עפיסת ברה וית כל קמץ חללה ואנדה ליד האדם למחגל מה יזעק לה וכלול דיקרי לה האדם נפש חיה הו שמה׃ 20 וקרא האדם שמהן לכל בהמתה ולקמץ שומיה ולכל עפיסת חלקה ולאדם לא אשקע סעד כקבלה׃
21 ונפל יהוה אלה פילוקה על האדם ודמך ונסב חתה מן עלויו וחתם בסר חליפתה׃ 22 ובנה יהוה אלה ית עלעתה דנסב מן האדם לאתה ואנדאה ליד האדמ׃ 23 ואמר האדם דה הסמקת שיוף משיופי ובסר מן בסרי להדה יתעקב אתהא הלא מן גברה אתנסבת דה׃ 24 בדיל כל ישבק גבר ית אבוה וית אמה ויתעלץ באתתה והוו משניהון לבסר חדה׃ 25 והוו שניהון עסקפין אדם ואתתה ולא יבאתו׃
1 ונחשה הוה אסטיל מן כל עפיסת ברה דעבדון יהוה אלהים ואמר לאתאה ברן כי מלל אלהים לא תאכלו מכל עילן גנתה׃ 2 ואמרת אתתה לנחשה מפרי עילן גנתה ניכל׃ 3 ומפרי עילן הדן דבגו פרדיסה ואמר אלה לא תיכלון מנה ולא תקרבון בה ברן תשתיצונ׃ 4 ואמר נחשה לאתתה לית שיוץ תשתיצונ׃ 5 הלא חכם אלה הלא ביום מיכלכון מנה ותתגלי עיניכון ותהונו כמלאכיה חכמי טב וביש׃ 6 ועגלת אתתה הלא טב עילנה למיכלה וניוקה הוא למעגל וקסיף עילנה למהכום ונסבת מפריו ואכלת ויהבת אף לגברה עמה ואכלונ׃ 7 ואתגלת עיני רדפי עלהיון וחכמו הלא עפסופין אלון וקטפו קטופי עלי תאנה ועבדו לון חסירינ׃ 8 ושמעו ית קול יהוה אלה מתיזל יתקולו בפרדיסה לרתח יומה ותפץ אדם ואתתה מלקדם יהוה אלה בגו עילן פרדיסה׃
9 וזעק יהוה אלהים לאדם ואמר לד איך אתֿ׃ 10 ואמר ית קלך שמקת בפרדסה ודחלת הלא ערטלא אנא ואודחת׃ 11 ואמר מן החוי לך הלא ערטלא אתֿ לוד עילנה דפקדתך לא תיכל מנה אכלת׃ (p. 4) 12 ואמר האדם אתהה דאתנחת לי עמי היא יהבת לי מן עילנה ואכלת׃ 13 ואמר יהוה אלה לאתתה מה דה עבדתי ואמרת אתתה נהשה אשלתי ואכלת׃
14 ואמר יהוה אלהים ליד נחשה למה ואיך עברת דה לבוט את מן כל בהמאתה ומן כל עפיסת ברה על לעופך טלך וקטם כל יומי קיומך׃ 15 ודבבו אשוי בינך ובין אתאה ובין נופך ובין נופה הוא יקפנך ריש ואת תקפנה עקב׃ 16 ולאתאה אמר סגו אסגי עצרוניך בטעניך ועל עצרון תילדי בנין וליד גבריך עזרותיך והוא ישלט עליך׃
17 ולאדם מלל למה שמקת מן קל אתתך ואכלת מן עילנה דפקדתיך למימר לא תיכל מנה לוטוה אדמתה בגללך בעצרון תיכלנה כל יומי קיומך ושוכין וכובין תסק לך ותיכל ית עסב ברה׃ 19 בלעוש אפיך תיכל מזון עד עפסותך לות אדמתה הלא מנה אתגסבת הלא עפר את וליד עפרך העזר׃ 20 וזעק האדם שם אתתה חוה הלא הי הות אם כל חי׃ 21 ועבד יהוה אלה לאדם ולאתתה כיתנואן עורי ואלבשון׃
22 ואמר יהוה אלהים הן האדם הוה כסקוף מנה חכם טב וביש וכדו כד יושט אדה ויסב אף מן עילן חייה וייכל וחי וחף לעלם׃ 23 ואושטה יהוה אלהים מפרדיס עדן למשמש ית אדמתה דאתנסב מתמן׃ 24 וטרד ית האדם ושרה ממדענה לפרדים עדן ית כרוביה וית לכשה דחרבה המתהפכין לנטה? ית שביל עילן חייה׃
1 והאדם חכם יה חוה אתתה ובטנת וילדת ית קין ואמרת מלכת גבר מיהוה׃ 2 ואוספת למילד ית תלימה ית הבל והוה הבל רעי עאן וקין הוה שמש ארע׃ 3 והוה מסכום יומים ועלל קין מן פרי אדמתה שליתה ליהוה׃ 4 והבל אנדה אף הוא מבכירי עאנה ומתרביון׃ 5 ואתרחי יהוה אל הבל ואל שליחאתה׃ 6 ואל קין ואל שליחאתה לא אתריח ואתקף לקין שריר ונפלו אפיו ואמר יהוה לקין למה אתקף לך ולמה נפלו אפיך׃ 7 אן איטבת תתלי ואן לית תטיב לתרח חטיה כרע ולידך עזרותה ואתֿ תשלט בה׃ 8 ואמר קין אל הבל תלימה נהלך לברה והוה בהוהון בברה וקעם קי אל הבל תלימה וקטלה׃
9 אמר יהוה לקין אהן הבל תלימך ואמר לא הכמת הנטו אחי אנה׃ (p. 5) 10 ואמר מה עבדת קל דם תלימך צבע לי מן אדמתה׃ 11 וכדו לוט אתֿ מן אדמתה דפתחת ית פמה למסב ית דם מן ארך׃ 12 הלא תפלח ית אדמתה לא חוזף למהב לך כחוה כלי וטמי תהי בארעה׃ 13 ואמר קין אל יהוה רב עובי ממסבל׃ 14 הן טרדת יתי יומה מן על אפי אדמתה ומקמיך אטמר ואהוי כלי וטמי בארעה והוי כל משקחני יקטלני׃ 15 ואמר לה יהוה לכן כל קטול קין על תרתי שבעין יתגבי ושוה יהוה לקין סימן לרלא מקטל יתה כל משקתה׃ 16 ונפק קין מלקודם יהוה ושרי בארעה כלי מדנעת עדן׃
17 וחכם קין ית אתתה ובטנת ואולדת ית חנוך והוה בנה קרתה וזעק ית שם מדינתה כשם ברה חנוך׃ 18 ואתילד לחנוך ית עירד ועירד אולד ית מיהאל ומיהאל אולד ית מתושאל ומתושאל אולד ית למך׃ 19 ונסב לו למך תרתי נשין שם חתה עדה ושם תנינתה צלה׃ 20 ואולדת עדה ית יבל הוא הוה ארש מן שכן במשכן וקנין׃ 21 ושם תלימה יובל הוא הוה ארש כל מן עפס פלכיסה וקטלוס צנגה ועמרה׃ 22 וצלה אף היא אולדת ית תובל קין עפיף לסיק כל קחף נחשה ופרזקה ואחות תובל קין צלקיפה׃ 23 ואמר למך לאתתה עדה וצלה שמען קלי תרתי נשי למך אציתין לאמירתי הלא גבר קטלת לדחרתי וילד לעסורתי׃ 24 ולא שבוין יתגבי קין ולמך יתיר ומותר׃
25 וחכם אדם עורי ית אתתה ואולד בר וזעק ית שמה שת דלא שבה לי אלהה נוף חורן תליפה הבל כד קטלה קין׃ 26 ולשת אף הוא אולד בר וזעק ית שמה אנוש טטא שרא למזדעק בשם יהוה׃
1 דן תנוי תולדי אדם ביום ברא אלהה אדם בתשבית מלאכיה עבדה׃ 2 זכר ונקבה בראון וברך יתון וזעק ית שמון אנשה ביום הבראון׃
3 ואתוחי אדם תלתין ומואן שנה ואולד בתשביתה כצורתה וזעק ית שמה שת׃ 4 והוה יומי אדם בתר הולדה ית חליפתה תמני מואן שתה ואולד ברים וברות׃ 5 והוו כל יומי ארם דאתוחי תשע מואן שתה ותלתין שתה ומית׃
6 ואתוחי שת חמשה שנין ומואן שתה ואולד ית אנוש׃ 7 ואתוחי(ואתוחי) שת בתר מולדותה ית אנוש שבע שנין ותמני מואן שתה ואולד ברים וברות׃ 8 והוו כל יומי שה תרתי עסר שתה ותשע מואן שתה ומית׃
(p. 6) 9 ואתוחי אנוש תשעין שתה ואולד ית קינן׃ 10 ואתוחי אנוש בתר מולדותה ית קינן חמש עםר שתה ותמני מואן שתה ואולד ובנין ובנאת׃ 11 והוו כל יומי אנוש חמשה שנין ותשע מואן שתה ומית׃
12 ואתוחי קינן שבעים שתה ואולד ית מהללאל׃ 13 ואתוחי קינן בתר מולדותה ית מהללאל ארבעים שתה ותמני מואן שתה ואולד בנין ובנאן׃ 14 והוו בל יומי קינן עםר שנין ותשע מואן שתה ומית׃
15 ואתוחי מהללאל חמש שנין ושישין שתה ואולד ית ירד׃ 16 ואתוחי מהללאל בתר מולדותה ית ירד תלתין שתה ותמנה מואן שתה ואוליד בנין ובנאן׃ 17 והוו כל יומי מהללאל חמש ותשעין שתה ותמני מואן שתה ומית׃
18 ואתוחי ירר שתין ושישין שתה ואוליד ית חנוך׃ 19 ואתוחי ירד בתר ילדותה ית חנוך חמש ושמנין שתה וסבע מואן שתה ואוליד בנין ובנאן׃ 20 והוו כל יומי ירד סבע וארבעין שתה ותמני מואן שתה ומית׃
21 ואתוחי חנוך חמש ושתין שתה ואוליד ית מתושלח׃ 22 ואתהלך חנוך עם האלהים בתר ילדותה ית מתושלח תלת מואן שתה ואוליד בנין ובנן׃ 23 והוו כל יומי חנוך חמש ושתין שתה ותלת מואן שתה׃ 24 ואתהלך חנוך עם האלהים וליתו הלא נסב יתה מלאכיה׃
25 ואתוחי מתושלח שבע ושתין שתה ואוליד ית למך׃ 26 ואתוחי מתושלח בתר ילדותה ית למך תלת וחמשין שתה ותת מואן שתח ואוליד ברין וברן׃ 27 והוו כל יומי מתושלח עםרין שתה וסבע מואן שתה ומית׃
28 ואתוחי למך תלת וחמשין שתה ואוליד בר׃ 29 וקרא ית שמה נח למימר דח יסוברנן עובדינן ועצרון אדינן מן אדמתה דלוטה יתוה׃ 30 ואתוחי למך בתר ילדותה ית נח שת מואן שתה ואולד ברין וברן׃ 31 והוו כל יומי למך תלת וחמשין שתה ושת מואן שתה ומית׃ 32 והוה נח בר חמש מואן שתה ואוליד ית שם ית חם וית יפת׃
1 והוה כר שרה אנשה למסגי על אפי ארעה ובנן אתילד לחון׃ 2 ועגלי ברי שלטניה יה בנאת אנשה הלא שפירין אנון ונסבו לון נשין מן כל דבחרו׃
(p. 7) 3 ואסר יהוה לית ילקפן עובדי באנשה לעלם במטי הוא בםר ויהון יוסיו מואן ועםרין שתה׃ 4 וגיבריה הוו בארעה ביומיה אנון ואף בתר כן דייעלון ברי שלטניה לות בנאת האדם ואולדו להון אנון גבריה דמן עלם גברי עדיפה׃ 5 ועגל יהוה כד סגת בישות אנשה בארעה וכל דן ענין סודה לחוד ביש כל יומה׃ 6 ואתנפת יהוה כד עבד ית עולם בארעה ואתעצר עם לבה׃
7 ואמר יהוה אשקול ית עולמה דטלמסת מן על אפי אדמתה מן אדם עד בהמתה עד רמש עד קמץ שומיה הלא אתנפחת למה עבדתי׃ 8 ונח אשקע רחם בחזות יהוה׃ 9 אלין תולדי נח נח גבר זכאי ושלים הוה בגיליו עם האלהים אתהלך נח׃ 10 ואוליד נח תלתה בנין ית שם ית חם וית יפת׃ 11 לפסחת ארעה לקודם האלהים ואמלת ארעה טלום׃ 12 וחזה אלהה ית ארעה והא אתפסחת הלא חבל כל בםר ית שבילה על ארעה׃
13 ואמר אלהה לנח סכום כל בסר עלל לקודמי הלא אמלת ארעה טלום מקבלון והאנה מחבלון מן ארעה׃ 14 עבד לך ספינה עאי סיסם מלטופין העבד ית ספינתה ותקלפן יתה מלגו ומלבר בקלפון׃ 15 ודה דתעבד יתה תלת מואן אמה ארכה ספינתה וחמשין אמה פתעה ותלתין אמה קפתולה׃ 16 נהר תעבד לספינתה ועל אמה תסכמנה מלעל ותרח תיבותה בצטרה תשוי לרעים תנינין ותליתין תעבד׃
17 ואנה מנדי ית מכולאי מיה על ארעה למחבלה כל בסר דבה רוח קעימה מכתי שומיה כל דבארעה ישלם׃ 18 ואקים ית קיאמי עמך ותיעל ליד תיבותה אתֿ ובריך ואתתך ונסי בריך עמך׃ 19 ומכל חיתה ומכל בסרה תרין מכלו תנדי ליד תיבותה למחוה עמך דכר ואנקבה׃ 20 ויהונו מן קמצה לגנוסה ומן בהמתה לגנסה ומכל דרמס על אדמתה לגנוסיהון תרים מכל ייתו לירך למוחה׃ 21 ואתֿ סב לך מכל מיכלה דיתכל ותכנש לידך ויהון לך ולון מעמה׃ 22 ועבד נח כמה דפקד יתה אלה כן עבד׃
1 ואמר אלהה ליד נח אעול אתֿ וכל ביתך ליד תיבותה הלא יתך עמית זכאה קמי בכילה הדן׃ 2 מן כל בהמתה דכיתא תסב לך סבעה סבעה דכר ואנקבה ומן בהמתה דלא דכיתא הי תרים תרים דכר ונקבה׃ 3 ואף מן קמץ שוטיה דכיה שבעה שבעה דכר ונקבה למוהה נוף על אפי כל ארעה׃ 4 הלא לוימיה עורי שבעה אנא ממטיר על ארעה ארבעים יומם׃ 0 לילואתה ואמחק ית כל ממנה דעבדת מן על אפי אדמתה׃ (p. 8) 5 ועבד נח כמה דפקדה יהוה׃
6 ונח בר תת מואן שתה ומי טופנה הוה מיה על ארעה׃ 7 ועל נח ובריו ואתתה ונסי כריו עמה ליד תיבותה מקדם מי טופנה׃ 8 מן בהמתה דכיתה ומן בהמתה דליתה דכיתה ומן קמצה ומכל דרמס על אדמתה׃ 9 תרים תרים עלו לנח ליד תיבותה ודכר ונקבה כמה פקד יהוה ית נח׃ 10 והוה לשבעתי יומיה ומי טופנה הוו על ארעה׃ 11 בשנת התת מואן שתה לקיומי נח בירחה תנינה בשבעה עסר יום לירחה ביומה הרן אפלגו כל מעיני תהומה רבה וארבי שומיה אתפתחו׃ 12 והוה אמטרה על ארעה ארבעים יומם וארבעים לילוה׃ 13 בגרם יומה הדן אעל נח שםֿ חם ויפת ברי נח ואתת נח ותלת נסי בריו עמון ליד תיבותה׃ 14 אנון וכל חיתה לגנסה וכל בהמתה לגנסה וכל הרמש הרומים על ארעה לגנוסיהון וכל קמצה לגנוסה כל קמץ כל כנפה׃ 15 ועלו לנח ליד תיבותה תרים תרים מן כל בסר דבה רוח קעימה׃ 16 ועלוליה דכר ונקבה דכר ונקבה מכל בסר עלו כמה דפקד יתה אלהה וחתם יהוה בסעדה׃
17 והוה אבדנה ארבעים יומן על ארעה וסגו מיה וסבלו ית תיבותה ורמת מן על ארעה׃ 18 ואתגברת מיה וסגו שריר על ארעה ואזלת תיבותה על אפי מיה׃ 19 ומיה אגברו שריר שריר על ארעה וטמרו כל טבריה שחקיה דמכתי שומיה׃ 20 חמס עסרי אמין מלעל גברו מיה ואטמרו טוריה׃ 21 ואתגוי כל בסר רומיסה על ארעה בקמצה ובבהמאתה ובחיתה ובכל שורצה דרומיס על ארעה וכל העלם׃ 22 כל דנשמת רוח חיין באגריו מן כלול דבנגבויתה מיתו׃
23 וימחק ית כל ממנה דעל אפי אדמתה מן אנש עד בהמתה עד רמס עד קמץ שומיה ואמחו מן ארעה ואשתיר אף נח כוף ודעמה בתיבתה׃ 24 ואגברו מיה על ארעה חמשין ומואן יום׃
1 ודכר אלהה ית נח וית כל עפיםתה וית כל בהמאתה דעמה בתיבותה ועביר אלהה רוח על ארעה ואסתקה מיה׃ 2 ואתסתופו מלקופי פיוק וארבי שומיה ואתעסל מטרה מן שומיה׃ 3 ועזרו מיה מן על ארעה הלכו ועזרו וחסרו מיה מסכום חמשין ומואן יום׃ 4 ואתנחת תיבותה בירחה שביעה בשבעה עסר יום לירחה על טברה סרנדיב׃ (p. 9) 5 ומיה לכו ועסרו ער ירחה עסירה בעסירה כחדה לירחה אגלו רישי טבריה׃
6 והוה מסכום ארבעים יום ופתח נח ית ארכת תיבותה דעבד׃ 7 ושגר ית ערבה ונפק נפוק ותב עד אתיבשת מיה מן על ארעה׃ 8 ושגר ית יונתה מן עמה למעמי הקלת מיה מן על אפי אדמתה׃ 9 ולא אשקהת יונתה מקר לצעי רגלה ועזרת לידה ליד תיבותה הלא מיה על אפי כל ארעה ושגר ית אדה ונסבה ואנדה יתה לגו תיבותה לידה׃ 10 ואמן עורי שבעה יומין חורנין ואוזף שגר ית יונתה מן תיבותה׃ 11 ואתת לידה יוגתה זבן רמש והא טרפי זית קפיש בפמה וחכם נח הלא קלת מיה מן על ארעה׃ 12 ושרא עורי שבעה יומים חורנין ושגר ית יונתה ולא אוזפת מעזרה לידה עורי׃ 13 והוה באחתה ותת מואן שתה בקדמאה בחדה לירחה אנגבו מיה מן על ארעה ואסטה נח ית כסות תיבותה וחזה והא נגבו אפי אדמתה׃ 14 ובירחה תנינה בשבעת ועסרין יום לירחה אתיבשת ארעה׃
15 ומלל אלהה לנח למימר׃ 16 פק מן תיבותה אתֿ ואתתך ובריך ונשי בריך עטך׃ 17 וכל חיתה דעמך מכל בסר בקמצה ובבהמתה ובכל רמסה דרמס על ארעה אפיק עמך ואשרצו בארעה ופושו וסגו על ארעה׃ 18 ונפק נח ובריו ואתתה ונשי בריו עמה׃ 19 וכל חיתה וכל קמצה וכל הרמס רומיסה על ארעה לכרניהון נפקו מן תיבותה׃ 20 ובנה נח מדבח ליהוה ונסב מכל בהמתה דכיתה ומכל קמצה דכיה ואסק עלאין במדבחה׃ 21 ואריח יהוח ית ריח רחותה׃
ואמר יהוה ליד רזה לית אוזף עורי למזל ית אדמתה מבגלל אנשה הלא טמיר סוד אנשה ביש מרביותה ולא אוזף עורי למקטל ית כל קעים כמה עבדת׃ 22 סעד כל יומי ארעה זרע וחציד צונה וארתע קיט ואסתב אימם ולילי לא יבטלו׃
1 וברך אלהה ית נח וית בריו ואמר לון פושו וסגו ומלו ית ארעה׃ 2 ואימתכון ודחלתכון תיהי על כל חית ארעה ועל כל קמץ שומיה בכל דתרמס אדמתה ובכל נונית ימה באדיכון יהבתה׃ 3 כל רמס דהוא קעים לוכון יהיה טעמה כמעצר עסב יהבת לוכון ית כלה׃ 4 ברן בסר בנפשה אדמה לא תיכלון׃ 5 וית אדמיכון מן נפשאתכון אבעי מן אד כל חי אביענה מן אד אנשה מיד גבר ותלימה אבעי ית נפש אנשה׃ (p. 10) 6 שפוך אדם אנשה באנשה אדמה ישתפך הלא בצורת מלאכיה עבד ית ברנשה׃ 7 ואתון פושו וסגו וארפסון בארעה וסגו בה׃
8 ויאמר אלהים אל נח ואל בניו אתו למימר׃ 9 והאגה מקים ית קיאמי עמוכון ועם נופיכון בתרכון׃ 10 ועם כל נפש חיתה דעמוכון בקמצה ובבהמתה ובכל עפיסת ארעה עמוכון מכל נפוקי תיבותה לכל חית ארעה׃ 11 ואקים ית קיאמי עמוכון ולא יקטע חורי כל בסר ממי מבולה ולא יהיה עורי טפונה למחבל ארעה׃
12 ואמר אלהה דה סימן קיאמה דאנה יהב ביני וביניבון ובין כל נפש קעימה דעמוכון לדרי עולם׃ 13 ית לינקי יהבתי בעננה ותהי לסימן פסקול ביני ובין ארעה׃ 14 ויי? בענני ענן על ארעה ויתגלי לינקה בעננה׃ 15 ואדכר ית פסקולי דביני וביניכון ובין כל נפש חיתה רעמוכון בכל בסר ולא יהי עורי מיה למבולה למחבלה כל בסר׃ 16 ויהי לינקה בעננה ואחזי לדכר קיאם עלם בין אלהה ובין כל נפש קעימה בכל בסר דעל ארעה׃ 17 ואמר אלהה לנח דה סימן קיאמה דאקימת ביני ובין כל בסר דעל ארעה׃
18 והוו ברי נח הנפוקים מן תיבותה שםֿ חם ויפת וחם הוא אבי כנען׃ 19 תלתה אלין ברי נח מנון אתבדרת כל ארעה׃ 20 ושרי נח גבר פרנסה ונצב כרמה׃ 21 ושתה מן עמרה ואשכר ואלקי בגו משכנה׃ 22 ועגל חם אבי כנען ית קלשפות אבוה וחוי לתרי אחוה מלבר׃ 23 ונסב שםֿ ויפת ית שמלתה ושוו על שכם תריון ולכו לולק וכסו ית קלשפות אביהון ופגיון לולק וסלוף אביהון לא חזו׃ 24 ואחלפס נח מן חמרה וחכם דעבד לה ית ברה זעורה׃ 25 ואמר לבט כנען שמש שמושין יהי לאחוה׃ 26 ואמר ברוך יהוה אלהה דשם והוה כנען שמש להון׃ 27 יפה אלה ליפת וישרי במשכני שםֿ והוה כנען שמש להון׃ 28 ואתוחי נח בתר טופנה תלת מואן שתה וחמשין שתה׃ 29 והוו כל יומי נח תשע מואן שתה וחמשין שתה ומית׃
1 ואלין תולדי ברי נח שםֿ חם ויפת ויולידו לון בנין בתר טופנה׃ 2 ברי יפת גמר ומגוג מדי ויון תובל מושך ותירס׃ 3 וברי גמר אשכנז ריפת ותגרמה׃ 4 וברי יון אליש תרשיש כתים ורודגים׃ 5 מן אלין אתפרדו אקרי גועיה בארעיון גבר ללשונה לכרניהון בגויהון׃
6 וברי חם כוש ומצרים פוט וכנען׃ (p. 11) 7 וברי כוש סבא וחוילה סבתה ורעמה וסבתכה וברי רעמה שבה ודדן׃ 8 וכוש אולד ית נמרוד הוא שרי למהי קיפץ בארעה׃ 9 הו הוה קיפץ ציד לקודם יהוה לבדיל יתאמר כנמקס קיפץ ציד לקודם יהוה׃ 10 ותהי קופית ממלכתה בבל וארך ואבד וכהלין בארעה צופה׃ 11 מן ארעה ההי יפק עסטון ובנה ית נינוה וית סטכן קרתה וית לקסה׃ 12 וית עספה בין נינוה ובין לקסה היא קרתה רבתה׃
13 ומצרים ילד ית לדים וית עינמים וית להבים וית נפתחים׃ 14 וית פתרסים וית כסלחים דיפקו מתמן פלטסטיני וית כפתרים׃ 15 וכנען ילד ית צידון בכירה וית החת׃ 16 וית יבוסאי וית אמראה וית גרגשאי׃ 17 וית הואה וית ערוקאי וית סינאי׃ 18 וית ארודאי וית צמראה וית חמתאי ובתר אתבדרת כרני כנענאי׃ 19 והוה תחום כנעני מן נהר מצראי עד נהרה רבה נהר פרת ועד ימה אחרה׃ 20 אלין ברי חם לכרניהון ללשוניהון בארעיהון לגויהון׃
21 ולשם ילד אף הוא אבי כל ברי עבר אחי יפת גדולה׃ 22 ברי שם עילם ואשור וארפכשר ולד וארם׃ 23 וברי ארם עוץ וחויל גתר ומשא׃ 24 וארפכשד ילד את שלח ושלח ילד ית עבר׃ 25 ולעבר ילידו תרי ברין שם חדה פלג הלא ביומיו נפלגת ארעה ושם אחוה יקטן׃ 26 ויקטן ילד ית אלמודד וית שלף וית חצרמות וית ירח׃ 27 וית אדרום וית עיזל וית דקלה׃ 28 וית עיבל וית אבימאל וית שבא׃ 29 וית אפר וית חוילה וית יובב כלול אלין ברי יקטן׃ 30 והוה ממדורון ממסבל במעול ספרה טור קדם׃ 31 הדה חלוקת ילידי שם לכרניון ללשניהון בארעיהון לגויהון׃ 32 אלין כרני ברי נח לתולדותיהון בגויהון מן אלין אתפרקו עניסוסי גויה בארעה בתר אבדנה׃
1 והות כל ארעה שפה חתה וממללין אחדין׃ 2 והוה במטל לון ממדנע ואשקעו שועה בארע שנער ויתבו תמן׃ 3 ואמרי גבר לחברה אתי נסתף סתפו ונליסה נילוס ותהי לון סתפסה לכיפה ולושנה הוה להון לטינה׃ 4 ואמרו הוי אתי נבנה לנן קריה ולקדה ורישה בחללה ונעבד שם ברן נתבדר על אפי כל ארעה׃ 5 ונעת יהוה למחזי ית קרתה וית שוביכה דבנו ברי אדם׃ 6 ואמר יהוה הא עמה חדה ואספואה חדה לכהלון ודן שרוון לעבודה וכדו לא ילפס מנון כל דילסקון לעבודה׃ 7 אתי ניעת ונדלק תמן ספואן דלת ישמק אנש ית ספו?את חברה׃ 8 ובדר יהוה יתון מתמן על אפי כל ארעה וקטעו בנין ית קרתה וית פלקולילה׃ (p. 12) 9 בדיל כן זעק שמה לילק הלא תמן פלי יהוה ית ספת כל ארעה ומתמן בדרון יהוה על אפי כל ארעה׃
10 ואלין חולדי שםֿ שםֿ בר מואן שתה ואוליד ית ארפכשד שנתין בתר מבולה׃ 11 וחי שםֿ בתר אתילדותה ית ארפכשד חמש מואן שתה ואוליד בנין ובנן והוו כל יומי שםֿ תת מואן שתה ומית׃
12 וארפכשד חי חמש ותלתין ומואן שתה ואוליד ית שלח׃ 13 וחי ארפכשד בתר ילדותה ית שלח תלת שנין ותלת מואן שתה ואוליד בנין ובנן והוו כל יומי ארפכשד תמנה ותלין שתה וארבע מואן שתה ומית׃
14 וחי שלח תלתין שתה ומון שתה ואוליד ית עבר׃ 15 וחי שלח בתר ילדותה ית עבר תלת שנין ותלת מואן שתה ואוליד בנין ובנן והוו כל יומי שלח תלת ותלתין שתה וארבע מואן שתה ומית׃
16 וחי עבר ארבע ותלתין ומואן שתה ואוליד ית פלג׃ 17 וחי עבר בתר ילדותה ית פלג שבעים שתה ומאתין שתה ואוליד בנין ובנן והוו כל יומי עבר ארבע שנין וארבע מואן שתה ומית׃
18 וחי פלג תלתין שתה ומואן שתה ואוליד ית רעו׃ 19 וחי פלג בתר ילדותה ית רעו תשע שנין ומואן שתה ואוליד בנין ובנן והוו כל יומי פלג תשע ותלתין ומאתין שתה ומית׃
20 וחי רעו תרים ותליתין ומואן שתה ואוליד (ית) שרוג׃ 21 וחי רעו בתר ילדותה ית שרוג שבע שנין ומואן שתה ואוליד בנין ובנן והוו כל יומי רעו תשע ותלתין ומאתין שתה ומית׃
22 וחי שרוג תליתן שתה ומואן שתה ואוליד נחור׃ 23 ואתוחי שרוג בתר ילדותה ית נחור מואן שתה ואוליד בנין ובנן והוו כל יומי שרוג תלתין שתה ומאתין שתה ומית׃
24 והתוחי נחור תשע ושבעים שתה ואוליד ית תרח׃ 25 וחי נחור בתר ילדותה ית תרח תשע שנין ושתין שתה ואוליד בנין ובנן והוו כל יומי נחור תמנה וארבעין שתה ומואן שתה ומית׃
26 והתוחי תרח שבעים שתה והוליד ית אברם וית נחור וית הרן׃ 27 אלין תולדי תרח תרח אוליד ית אברם וית נחור וית הרן והרן אוליד ית לוט׃ 28 ומית הרן על אפי תרח אבוה בארע מולדותה באור כשדים׃ 29 ונסב אברם ונחור לון נשין ושם אתת אברם שרי ושם אתת נחור מלכה בת הרן אבי מלכה ואבי יסכה׃ 30 והות שרי עקרה לית לה ילד׃ 31 ונסב תרח ית אברם ברה וית לוט בר הרן בר ברה וית שרי וית מלכה כלותה אתת אברם ונחור בריו והפק יתון מן אור כשדים למהזאל ארע כנען ואתו עד חרן ודארו תמן׃ (p. 13) 32 והוו יוסי תרח חמש וארבעים ומואן שתה ומית תרח בחרן׃
1 ואמר יהוה לאברם לך לך מן ארעך ומן ילדותך ומן בית אבוך לארעה דמלכנך׃ 2 ואעבדנך לעם רב ואברכנך וארבי שמך והוי ברכן׃ 3 ואברך מברכיך ולעוטיך אלעוט ויתברכנן בך כל כרני אדמתה׃ 4 ולך אברם כמה דמלל לה יהוה ואזל עמה לוט ואברם בר חמש שנין ושבעים שתה במפוקה מן חרן׃ 5 ונסב אברם ית שרי אתתה וית לוט בר אחוה וית כל קניניהון דקנו וית נפשהתון(נפשהון?) דעבדו בחרן ונפקו למהלכה ארע כנען ועללו לארע כנען׃ 6 ועבר אברם בארעה עד מדינת שכם עד מישר חזבת וכנענאי טטה בארעה׃
7 ואתגלי יהוה לאברם ואמר לה לבניך אהב ית ארעה הדה ובנה תמן מדבח ליהוה המתגלי לותה׃ 8 ואסתלק מתמן לטורה ממדנע לבית אל ונצב משכנה בית אל ממעברה ועינה ממדנע ובנה תמן מרבח ליהוה וזעק בשם יהוה׃ 9 ונטל אברם הזול ונטל לדרומה׃
10 והוה כפן בארעה ונעת אברם למצרים לנצוע תמן הלא יקיר כפנה בארעה׃ 11 והוה כמה קרב לעלול למצרים ואמר לשרי אתתה הא אנה חכמת הלא אתתה ייה חזב אתֿי׃ 12 ויי כד יחגלו יתך מצריה ויימרו אתתה דה ויקטלוני ויתיך יהיו׃ 13 מללי נא אחתי אתי לבדיל יתיטב לי בגלליך ותחי רוחי בדיל סיחדיך׃ 14 ויי כד ייעל אברם למצרים ועגלו מצראי ית אתתה הלא שפירה שריר׃ 15 וחזו יתה רבני פרעה ושבחו יתה קדם פרעה ואתנסבת אתה לביתה פרעה׃ 16 ולאברם אתיטב בגללה והוה לה עאן ותור קנין יקיר שריר ושמשין ואסולין וחמרין ואתונן וקדולין׃ 17 וכתש יהוה ית פרעה כתשין רברבין ויה ביתה בדיל שרי אתת אברם׃
18 וזעק פרעה לאברם ואמר מה דה עבדת לי למה לא חוית לי הלא אתתך הי׃ 19 ולמה מללת אחותי הי ואסב יתה לי לאתה וכדו הנה אתתך סבה ואזל׃ 20 ופקד עלויו פרעה גלגלין ושלחו יתה וית אתתה וית כלול דלה ולוט עמה׃
1 ועאל אברם ממצרים חוא ואתתה וכל דלה ולוט עמה לדרומה׃ 2 ואברם יקיר שריר בקנין בכספה ובדהבה׃ (p. 14) 3 וילוך למטליו מן דרומה ואל בית אל אל אתרה דהוה תמן משכנה בשרואה בין בית חילה וב ן כפרה׃ 4 ליד אתר מדבחה דעבד תמן בשרואה וזעק תמן אברם בשם יהוה׃ 5 ואף ללוט ההלוך עם אברם הוה ענין ותורין ומשכנין׃ 6 ולית סבלת יתון ארעה למדור כהדה הלא הוא קניניון סגי ולא ייכלו למדור כחדה׃ 7 והוה סולק בין רעי קנין לוט וכנענאה ופרזאה טטה ילצין בארעה׃ 8 ואמר אברם ללוט הכה לא תהי סולקה ביני ובינך ובין רעי ובין רעיך הלא אנשין אחין אנן׃ 9 הלית כל ארעה קדמיך אתפרקת שוי מן עלי אן לצפון ולדרום ואן לדרום ולצפון׃ 10 וסבל לוט ית עיניו וחזה ית משוחת ירדנה הלא כלה משקי לפני חבלות יהוה ית סדם וית עמרה כגנת יהוה כארע מצראי כמיעלך לצער׃ 11 ובחר לה לוט ית כל מישר ירדנה ונטל לוט ממדנתה ואתפרק גבר מלות אחיו׃ 12 אכרם נצב בארע כנען ולוט נצב בקורי משוחה והפרס עד סדם׃ 13 וגברי סדם בישין וחיבין ליהוה שריר׃
14 ויהוה אמר לאברם בתר מפרקות לוט מן עליו סבל שוי עיניך וחזי מן אתרה דאתֿ תמן צפונה ולדרומה ולמדנעה ולמערבה׃ 15 הלא ית כל ארעה דאת חזה לך אהבנח(אהבנה) ולנופך עד עולם׃ 16 ואשוי ית בניך כקטם ארעה דאם יוכל גבר לממני ית עפר ארעה אף בניך ימנון׃ 17 קום התפרס בארעה לינסוה זלפתחעה הלא לך אהבנה׃ 18 ופרס אברם ועלל ושב במישרי ממרא בחברון ובנה תמן מדבח ליהוה׃
1 והוה ביומי אמרפל מלך שנער ואריוך מלך אלסר כדר לעמר מלך עילם ותדעל מלך גוים׃ 2 עבדו קרבה עם ברע מלך סדם ועם ברשע מלך עמרה ושנאב מלך אדמה ושמאבד מלך צבואים ומלך בלע היא צער׃ 3 כל אלין אדבקו למישר חלקיה הו נפס מלחה׃ 4 תרתי עסרי שתה שמשו כדר לעמר ובתלת עסרה שתה עצו׃ 5 ובארבע עסרה שתה עלל כדר לעמר ומלכיה דעמה ומחו ית סולעפיה בעפינית קרניה וית תקיפיה בלישה וית שיעפיה בשוה מדינתה׃ 6 וית חראה בטורי סעיר עד פרוס פלשה לפלוג דעל מדברה׃ 7 ושבו ועללו ליד עין דין היא קדשֿ ומחו ית כל חקל חמלקאי וגם ית אמראה דדאר בפלוג כדי׃
8 ונפק מלך סדם ומלך עמרה ומלך אדמה ומלך צבואים ומלך ומלך(-) בלע הוא צער וסדרו עמון קרבה במישר חלקיה׃ (p. 15) 9 ית כדר לעמר מלך עילם ותדעל מלך שלטן חממאי אמרפל מלך בבל ואריוך מלך אלסר ארבע שלטנין עם חמשה׃ 10 ומישר חלקיה בירן בין טיעאן וערקו מלך סדם ומלך עמרה ופלו תמן ודאתותרו לטורה ערקו׃ 11 ונסבו ית כל עותר סדם ועמדה וית כל מיכלון ואזלו׃ 12 ונסבו ית לוט ויה כל קנינה בר אחי אברם וילך והוא יתיב בסדם׃
13 ואתא מתפציה וחוי לאברם עבראה והוא שרי במישרי ממרא אמראה אחי אשכול ואחי ענרם והנם מסחני פסקול אברם׃ 14 ושמע אכרם הן השוח אחוה ושרי ית עלימיו חולדי ביתה חמנה עסר ותלת מואן ורדף ער בניאס׃ 15 ופלג עליון לילי הו ושמשיו וקטלון ומעונון לפונה דמסמאל לדמסקס׃ 16 ועזר ית כל קנינה ואף יתלוטאחוה וקנינה עזר ואף ית נשיה וית עמה׃ 17 ונפק מלך סדם לסעודה בתר עזרותה סקטלותה ית כדר לעמר וית שלטניה דעמה למישר מפנה הוא עמק מלכה׃
18 ומלכי צדק מלך שלם הפק לחם וחמר והו כהן לחילה חיולה׃ 19 וברך ית אברם ואמר בריך אברם לחילה חיולה מלוך שומים וארע׃ 20 ובריך חילה חיולה דתרום ומסר סניך בידך ויהב לה מעסור מכלה׃ 21 ואמר מלך סדם לאברם יהב לי נפשהתה וקנינה סב לך׃ 22 ואמר אברם למלך סדם תלית אדי לות אלהים חילה חיולה מלוך שומים וארע׃ 23 אן תרפי ועד סריק סנדל אן אסב מכל דלך ולא תימר אנה עסרתי ית אברם׃ 24 לחוד דאכלו רבקיה וחולק גבריה דהלכו עמי ענרם ואשכול וממרא אנון יסבו חלקון׃
1 בתר ממלליה אלין בעדניון הוה ממלל יהוה לאברם בנבואה למימר לא תדחל אברם אנה תקוף לך ואגרך אסגי שריר׃ 2 ואמר רבי יהוה מה תהב לי ואנה הלך עקימאי ובר מדבר ביתי הו דמשק אליעזר׃ 3 ואמר אברם אן לי לא יהבת נוף וחא בר ביתי יירת יתי׃ 4 והא מלל יהוה לה למימר לית יירתנך דן הלא אן דנפק מן חלצך הוא יירתנך׃ 5 ואפק יתה לברה ואמר אסתכל שוי לשומיה ומני כוכביה אן תרשי לממני יתון ואמר לה הכה יהי חליפניף׃ 6 והימן ביהוה וחשבה לה קשיטה׃ 7 ואמר לה אנה יהוה דהפקתיך מן אור כשדים למהב לך ית ארעה הדה למירתה׃ 8 ואמר רבי יהוה במה אחכם הלא יירתנה׃ 9 ואמר סב לי עגלה משלשה ועז משלשה ודכר משלט ושפנין וצוץ׃ (p. 16) 10 ונסב לה ית כל אלין ופסק יתון פסוק ושוה פגר ית פסוקה לזימון חברה וית עופיה לא פלג׃ 11 ונעת רטעס על קלפוציה ו?עזר יתון אברם׃
12 והות שמשה לעלל ותנומת נפלת על אברם והא קבלה חשיכה רבה סגיה נפלה על עלויו׃ 13 ואתמר לאברם חכים תחכם הלא תותב יהי נופך בארע לית לון וישמשנון וילבטון יתון ארבע מואן שתה׃ 14 ואף ית גואה דיפלחון בון דיאן אנה ובתר כן ייעלון בקנין סגי׃ 15 ואת תיעל לאבתיך בשלם תתכנש בסיבו טבה׃ 16 וגליה רביעה ייתי להבה הלא לא שלם עוב אמראה עד הכה׃
17 והוה שמשה עלאה ועמוטה הוה והא תנור יקיד ובעיר נור דעבר בין קטריה האלין׃ 18 וביומה הדן קטע יהוה עם אברם קיאם למימי לבניך יהבת ית ארעה הדה מן נהר מצראי עד נהרה רבה נהר שלמאה׃ 19 ית קינאה וית קנזאה וית קדמונא׃ 20 וית חתאה וית פרזאח וית תסאה׃ 21 וית אמראה וית כנענאה וית גרגשאה וית חואה וית יבוסאה׃
1 וסרי אתת אברם לית ילדת לה ולה אסולה מצריה ושמה הגר׃ 2 ואמרת שרי לאברם הא שוי עצלנ(י?) יהוה ממולד עלל שוי לאסולתי אתבונן מלותה ושסע אברם לקול סרי(שרי)׃ 3 ונסבת סרי(שרי) אתת אברם ית הגר המצריה אסולתה מסכום עסר שנין למדור אברם בארע כנען ויהבת יתה לאברם גברה לה לאתה׃ 4 ועלל על הגר ובטנת וחזת הלא בטנת וזלת רבתה בעיניה׃ 5 ואמרת שרי לאברם אנכהותי עליך אנה יהבת סולתי בחובך וחגלת הלא בטנת וקלת בעיניה ידין יהוה ביני ובינך׃ 6 ואמר אברם לשרי שוי סולתיך בידיך עבדי לה דיתיטב בעיניך ולבטתה שרי וערקת מקודמיה׃
7 ואשקעה מלאך יהוה על עין מיה במדברה על עינה בשביל דשור׃ 8 ואמר הגר סולת שרי ויליך מן אתיתי ואל אהן תיזלי ואמרת מקדם שרי רבתי אנה ערקה׃ 9 ואמר לה מלאך יהוה עזרי ליד רבתיך והתלבטי כתי אדה׃ 10 ואמר לה מלאך יהוה סגוי אסגי ית זרעיך ולית ימני מסגוי׃ 11 ואמר לה מלאך יהוה הנך בטנה ותילדי בר ותזעקי ית שמה ישמעאל הלא שמק יהוה ליד לבוטיך׃ 12 הוא יהי פשהֿ אנשה אדה בכלה ואד כל בה ועל אפי כל תלימיו ישרי׃ 13 וזעקת שם יהוה הממלל לידה אתֿ חיולה חזוה הלא אמרת האף אכה חזת בתר חזו׃ (p. 17) 14 בדיל זעקת לבאר באר קעימה חזי הא בין קדש ובן(ובין) ברד׃ 15 וילדת הגר לאברם בר וזעק אברם ית שם ברה דילדת הגר ישמעאל׃ 16 ואברם בן תמנים שתה ותת שנין במילד הגר ית ישמעאל לאברם׃
1 והוה אברם בר תשעים ותשע שנין ואתחזי יהוה לאברם ואמר לה אנה חיולה ספוקה התיזל לקמי והוי שלם׃ 2 ואהב קיאמי ביני ובינך ואסגי יתך בשריר שריר׃ 3 ואנפל אברם על אפיו ומלל עמה אלה למימר׃ 4 ואנה הא קיאסי עמך ותהי לאב רגיש גועיה׃ 5 ולא יזרעק חורי שמך אברם ויהי שמך אברהם הלא רגוש גועיה יהבתך׃ 6 והפרית יתך בשריר שריר ויהבתך לגועיה ומלכיה מנך יפקון׃ 7 ואקים ית פסקולי ביני ובינך ובין בניך בתרך לגליהון לפסקול עלם למהי לך לאלהין ולבניך בתרך׃ 8 ויהבת לך ולבניך בתרך ית ארע תותביך ית כל ארע כנען לסחנת עלם ואוי להון לאלהין׃
9 ואמר אלהים לאברהם ואתֿ ית פסקולי תטר אתֿ ובניך בתרך לדריהון׃ 10 דה פסקולי דתטרון ביני וביניכון ובין בניך בתרך המגזר לוכון כל דכר׃ 11 ותלסינון ית בסר קלפתיכון ותהי לסימן פסקול ביני וביניכון׃ 12 ובר תמנה יומים יתגזר לכון כל דכר לגליכון מולד בית וסחרת כסף כל בר עממי דלית מבניך הו׃ 13 הגזר יתגזר ילידי ביתך וסחרת כספך ותהי תקומתי בבסרכון לפסקול עלם׃ 14 וקליף דכר דלית ילסין ית בסר קלפתה ביומה תמינה ותקטע נפשה ההיא מן עמיה ית פסקולי אנשי׃
15 ואמר אלהים לאברהם שרי אתתך לא תזעק ית שמה שרי הלא שרה שמה וברכת יתה ואף יהבת מנה לך בר׃ 16 וברכתינה ותהי לעממין ומלכי עממין מנה יהונו׃ 17 ונפל אברהם על אפיו ואתחמה ואמר בלבה הלבד מואן שתה הוליד והן שרה הברת תשעין שתה תילד׃ 18 ואפר אברהם לאלהה הא לית ישמעאל יתיחי קדמיך׃ 19 ואמר אלהה קשט הן שרה אתתך תילד לך בר ותזעק ית שמה יצחק והקים ית קיאמי עמה לקיאם עלם ולזרעה בתרה׃ 20 ולישמעאל שמקתיך הא ברכת יתה ואפרי יתה ואשגי יתה בשריר שריר תרתי עסרי נסיאים יילד ואהבנה לעם רב׃ 21 וית קיאמי אקים עם יצחק דתילד לך שרה לעדנה הדן בשתה חורנתה׃ 22 ואסכם הממלל עמה׃
(p. 18) 23 ואסתלק מלאך אלהה מן על אברהם ואנסב אברהם ית ישמעאל ברה וית כל תולדי ביתה וית כל זבינת זוזה כל דכר בגברי בית אברהם ואגזר ית בסר בטולתון בגרם יומה הדן כמה דמללה אלהה׃ 24 ואברהם בר תשעים ותשע שנין במגזרה ית בסר בטולתה׃ 25 וישמעאל ברה בר תלת עסרה שתה במגזר ית בסר בטולתה׃ 26 בגרם יומה הדן אתגזר אברהם וישמעאל ברה׃ 27 וכל גברי ביתה אולד בית וזבינת זוז מלקבל בר בראה אתגזרו עמה׃
1 ואתחזי לידה יהוה במישרי ממראֿ והוא דאר בתרח משכנה כרתע יומה׃ 2 וה?(ת)לא עיניו והזה והא תלתא גברים מתקוממים עלויו ועמה ורעט לזימונון לתרח משכן וסגר ארעה׃ 3 ואמר רבני הן שבי אשקחת ריח בחזותכון לא שבי תגוזו על שמשכון׃ 4 יסב שבי זעור מיה וסחו רגליכון ואתנחו כתי אילנה׃ 5 ואסב פתית לחמה ועדו לבוכון ובתר תגוזו הלא בדיל געזתון על שמשכון ואמרו כן תעבד כמה דמללת׃ 6 וזרז אברהם לאגנה לשרה ואמר זרזי תלת מכלין קמח פטיר צקי ועבדי עגולין׃ 7 ולבקריה רעט אברהם וסב בר בקר רך וטב ויהב ליד רביה וזרז לעבודה׃ 8 ואנסב גבנו ותרבה וית בר בקרתה דעבד ויהב לקדמון והו קעום עליון כתי אילנה ואכלי׃ 9 ואמרו לידה אהן שרה אתתך ואמר הא במשכנה׃ 10 ואמר עזור אזער לידך כזבן קיומה והא בר לשרה אתתך ושרה אציתת תרח משכנה והי בתרה׃ 11 ואברהם ושרה סהבים אתים ביומיה קץ למהי לשרה שביל כנשיה׃ 12 וקטרגת שרה בסודה אמרה בתר בלואתי הות לי חדותה ורבי סהב׃
13 ואמר יהוה לאברהם למה דן תמחת שרה אמרה הקשט אימנון אילד ואנה סהבת׃ 14 הטמיר מיהוה כלום לעדן אעזר לידך כזבן קעים ולשרה בר׃ 15 ואנכרת שרה אמרה לא תמתת הלא דחלת ואמר לה הלא תמתחי׃ 16 וקעמו מתמן גבריה ואדיקו על אפי סדם ואברהם מהלך עמון למשגרון׃ 17 ויהוה אמר המטמר אנה מן אברהם ית דאנה עביד׃ 18 ואברהם הוו יהי לעמה רבה וחיולה ויתברכון בה כל עמי ארעה׃ 19 הלא חכמת בדיל דיפקד אברהם ית ברה וית ביתו בתרו ויטרון שביל יהוה למעבד גזרה ודין מהן ינדי יהוה על אברהם ית דמלל עמה׃
(p. 19) 20 ואמר יהוה צבעת סדם ועמרה הלא סגת והובתותן כד אתיקרת שריר׃ 21 איחת ני ואחזי צבעתה האתיה לידי עבדו אסכמו והן לא אמרק׃ 22 ואתפנו מתמן אנושיה ואזלו סדומה ואברהם כהדה קעם לקדם יהוה׃ 23 וקדם אברהם ואמר הקשט תסתפה זכאה עם סרוחה׃ 24 מאן יתשקח חמשים זכאים בגו קרתה הקשט תסתפה ולא תתלי לאתרה בדיל חמשין זכאים דבגבה׃ 25 חסלך ממעבד כממללה הדן למקטל זכאה עם סרוח ויהי כזכאה כחיבה חסלך אה דיאן כל ארעה לא יתעבד פשרונה׃
26 ואמר יהוה הן אשקח בסדם חמשים זכאים בגו קרתה וסבלת לכל אתרה בדילון׃ 27 ואגיב אברהם ואמר הא שבי אתרשית לממללה עם רבי ואנה קטם ורבוע׃ 28 מהן יתחסרון חמשים הזכאים חמשה התהביל בחמשה ית כל קרתה ואמר לא אחביל הן אשקח תמן ארבעים וחמשה׃ 29 ואוסף חורי לממללה ואמר לה מהן יתשקחון תמן ארבעים ואמר לא החביל בדיל הארבעים׃ 30 ואמר לא שבי יתקף לרבי ואמלל מהן יתשקחון תמן תלתין ואמר לא אחביל אן אשקח תמן תלתין׃ 31 ואמר אה שוי מהן לממללה עם רבי טכח יתשקחון תמן עסרין ואמר לא אחביל בדיל העסרין׃ 32 ואמר לא ני יתקף לרבי ואמלל בל אזבנתה דמע יתשקחון תמן עסרה ואמר לא החביל בדיל העסרה׃ 33 ואסתלק מלאך יהוה כמה אסכם ממללה עם אברהם ואברהם עזר לאתרה׃
1 ואתו תרי מלאכיה סדמה ברמשה ולוט יתיב בתרח סדם ועמה לוט וקעם לזימונון וסגר אפים ארעה׃ 2 ואמר הא שבי אדני אסטו שבי לבית שמשכון וביתון וסחנו רגליכון ותיזלון ותהלכון לשבילכון ואמרון לית הלא ברוחה נבית׃ 3 ועצף עליהון שריר וסרו לותה ועללו לביתו ועבד להון נציבה ופטיר קלי ואכלון׃ 4 הדלא ידמכון ואנשי קרתה אנשי סדם סרחין על ביתה מן טלי ועד סהב כל עמה מן סופה׃ 5 וזעקו ללוט ואמרו לא האן אנושיה עלוליה לידך לילתה הפקון אלינן ונחכם יתון׃ 6 והפק להון לוט לתרח ופליקה קבלו בתרה׃ 7 ואמר לית שוי תלימי תרישו׃ 8 הא שוי לי תרתי בנן דלא יחכמון גבר הפק שוי יתין לותכון ועבדו לון כטב בעיניכון לחוד לאנשיה אלין לית תעבדון ממלל על כן עלו הלא בטלל שריתי׃ 9 ואמרו קדם לעל ועלל ואמרו הדה עלל למיתובה ודין אף דין כדו נבעש לך מנון ועצפו בגברה בלוט שריר וקרמו לכפתי לוטה׃ (p. 20) 10 ואושטו גברה ית אדיון ועללו ית לוט להון לביתה וית לוטה קפלו׃ 11 וית אנושיה דתרח ביתה אלקו בסמיונין מן רציד ועד רבי ולפטו מן משקח תרחה׃
12 ואמרו מלאכיה ללוט עורי מן לך הכה חמי בנוך ובנתיך ובלול דלך בקרתה פוק מן אתרה הדן׃ 13 הלא מחבלץ אנן ית אתרה הדן הלא רבת צבעתון עם אפי יהוה ושלחנן יהוה למחבלה׃ 14 ונפק לוט ומלל לחמיו נסובי בנותיו ואמר קומו פוקו מן אתרה הדן הלא מחבל יהוה ית קרתה והוה כלעוב בעיני חמיו׃ 15 וכמה לעושה סק וטרסו מלאכיה בלוט למימר קם סב ית אתתך וית תרתי כנותך דסתשקחין פן תלקי בעוב קרתה׃ 16 ויתלעל ואתקפו אנושיה בידה וביד אתתה וביד תרתי בנותיו ברחמות יהוה עליו והפקותה והואה מלבר לקרתה׃ 17 והוה כהפקתון למלבר ואמר חעם על רוחך ולית אתפני בתרך ולית תקום בכל משחה לטברד םק דלא לקץ׃ 18 ואמר לוט להון לית שוי רבי׃
19 הא שוי שקע שמשך רחם בעיניך ותרבה חסדך דעבדת עמי למהי למאסי ית רוחי ואנה לא ארשי למסחלקה לטורה הלא תשיגני בישתה ואמות׃ 20 הא שוי קרתה הדה קריבה למנוס תמן והי מצער סלק שוי תמן הלית מצער הי ותתוחוי רוחי׃ 21 ואמר לה הא סבלת אפיך אף לממללה הדן לדלא נסיבת ית מדינאתה דמללת׃ 22 אוחי סק לתמן הלא לא ארשי לעובד ממלל במעולך לתמן בדיל כן זעק שם קרתה צער׃ 23 שמשה סלקת יניצה על ארעה ולוט עלל לצער׃
24 ויהוה הלקי על סדם ועל עמרה פצטי ונור מלקובל יהוה מן שומיה׃ 25 והפך ית קריאתה אלין וית כל משוחה וית כל תותבי קריה וצמחת ארעה׃ 26 ואסתכלת אתתה מן בתרה והות נצבה מלח׃ 27 ואקרם אברהם בצלו צפר לאתרה דעמד תמן לקדם יהוה׃ 28 ואדיק על אפי סדם ועמרה ועל אפי כל ארע משוח וחזה והא סק תננה ארעה כתננה נסופה׃ 29 והוה במחבל אלה ית קורי משוחה ודכר אלה ית אברהם ושגר ית לוט מבגו שקלבותה בשקלבו ית קוריה דיתב בהון לוט׃
30 ועלל לוט מן צער ותב בטורה ותרתי בנותיו עמה הלא דחל למדור בצער ודאר במערה הוא ותרתי בנתיו עמה׃ 31 ואמרת בכירתה לרבתה אבינן סהב וגבר לית בארע לעלול עליגון כשביל כל ארעה׃ 32 לכה נשקה ית אבינן חמר ונדמך עמה ונוחי מן אכינן זרע׃ 33 ונשקי ית אכינן עמר בלילתה הדן ועללת בכירתה ודמכת עם אבוה ולית חכם בשכבה ובקומה׃ (p. 21) 34 והות צפרה ואמרת בכירתה לרביתה הא דמכתי רמש עם אבי נשקינה עמר אף לילתה ועללי דמכי עמה ונוחי מן אבינן בנין׃ 35 והשקין אף בלילי ההוא ית אבינן ספטאה וקמת רביתה ודמכת עמה ולית חכם בשכבה ובקיומה׃ 36 ובטנן תרתי בנת לוט מן אביהון׃ 37 וילדת בכירתה בר וזעקת ית שמה מואב הוא אבי מואב עד יומן׃ 38 ורבתה אף היא ילדת בר וזעקת ית שמה בר עמי והוא אב ברי עמון עד היום׃
1 ונטל מתמן אברהם ארע דרומה ודאר בין קדשֿ ובין שור ותותב בעסקלון׃ 2 ואמר אברהם לשרה אתתה תלימותי היא ושלח אבימלך שלטן עסקלון ונסב ית שרה׃ 3 ועלל אלה לות אבימלך בחלום לילתה ואמר לה הנך שלם על דדי אתתה דנסבת והיא מסחנת בעל׃ 4 ואבימלך לא נגע לותה ואמר רבי עם אף נקיא תקטל׃ 5 חלית הו אמר לי אחתי היא והי אף מללה תלימי הוא בשלמו לבבי ובנסיפות כפי עבדת דה׃ 6 ואמר לה אלה בחלומה אף אנה חכמת הלא בשלמות לבבך עבדתה דה ועסכת אף אנה יתך מן מסתיבה לי על כן לא יהבתיך למקריב לותה׃ 7 וכדו עזר ית אתת גברה הלא נביא הו ויצלי בגללך ותתוחי ואן לינך מעזר עמך הלא שיוץ תשתיץ אתֿ וכל דלך׃
8 ואקדם אבימלך בצפרה וזעק לכל שמשיו ומלל ית כל מלליה אלין במשמועיון ודחלו כל אנשיה שריר׃ 9 וזעק אבימלך לאברהם ואמר לה מה עבדת עמנן ומה אתחיבת לך הלא עלית עלי ועל ממלכתי סיובה רבה עובדים דלית יתעבדון עברת עמי׃ 10 ואמר אבימלך לאברהם מה חזית הלא עבדת ית ממללה הדן׃ 11 ואמר אברהם הלא דחלת ובתר אמרת לחוד לית דחלת אלה באתרה הדה ויקטלוני על ממלל אתתי׃ 12 ואף עסיק אחתי חי ברת אבי קשט לית ברת אמי והות לי לאתה׃ 13 והוה כמה הטעה יתי אלהים מן משכן אבי ומן ארע ילדותי ואמר לה דה תסדיך דתעבדי עמי לכל אתרה דניעל לתמן אמרי לי תלימי הוא׃
14 ונסב אבימלך אלף אבר וענין ותורין ושמשין ואסולין ויהב לאברהם ועזר לה ית שרה אתתה׃ 15 ואמר אבימלך הא ארעי לפניך בטב בעיניך תב׃ 16 ולשרה מלל הא יהבת אלף אבר לאחוך הא הו לך תכסין עינין ולבל מן עמך וית כלה ודלקובל׃ 17 ואתפלל אברהם קדם אלה וחסי אלה ית אבימלך וית אתתה ואסולתה ואילדו׃ (p. 22) 18 הלא עציק צוק אלהים בסעד כל רחם לבית אבימלך בדיל שרה אתת אברהם׃
1 ויהוה אמסר ית שרה כמה אמר ועבד יהוה לשרה כמה מלל׃ 2 ובטנת וילדת שרה לאברהם בר לסיבותה לזבן דמלל עסה אלהים׃ 3 וזעק אברהם ית שם ברה הסילד לה דילדת לה שרה יצחק׃ 4 וגזר אברהם ית יצחק ברה בר תמנת יומים כמה פקד יתה אלה׃ 5 ואברהם בר מואן שתה במולד לה ית יצחק ברה׃ 6 ואמרת שרה חדו עבד לי אלהים בל שמועה יחדי לי׃ 7 ואמרת מן בסר לאברהם הילנסיפה ברים שרה הלא ינטפתי לה בר לסיבותה׃ 8 ורבה ילידה וסקף ועבד אברהם צונע רב ביומה פלטות ית יצהק ברה׃ 9 ועגלת שרה ית בר הגר המצרית דילדת לאברהם מתמח׃ 10 ואמרת לאברהם טרד ית אמתה דאה וית ברה הלא לא יירת בר אמתה הדן עם ברי עם יצחק׃ 11 וביש ממללה שריר בחזות אברהם על דדי ברה׃
12 ואמר אלהה לאברהם לא יבאש בחזותך על רביה ועל סולתך כל דיתמר לך שרה שמק מן קלה הלא ביצחק יזדעק לך זרע׃ 13 ואף ית בר אמתה דאה לעמה רבה אשבינה הלא זרעך הוא׃ 14 וקרץ אברהם בצפרה וסב מזון וחמי מיה ויהב ליד הגר שבה על כתפה וית ילידה ואטלקה ואזלת וטעת בממוע באר סבע׃ 15 ואתכללו מיה מן פלקינה ולקפת ית ילידה כתי חד סולסיה׃ 16 ולכת ותבת לה מלקובל רחיק כמרמי קשטה הלא מללת לית אחזי שלם ילידה ותבת מלקובל ותלת ית קלה ובכת׃ 17 ושמע אלהים ית קול רביה׃
וזעק מלאך אלהה ליד הגר מן שומיה ואמר לה מה ליך הגר לא תדחלי הלא שמק אלהה ית קל רביה במן דהוא תמן׃ 18 קומי סבלי ית רביה ותקפי ית אדיך בה הלא לעמה רבה אשבינה׃ 19 ואניר אלהה ית עיניה ועמת באר מיה ומהלכת ומלת ית חמיתאה מיה ושקת ית רביה עולימה׃ 20 והוה אלהה עם עולימה ורבה ודאר בבראה והוה מרמי קשתה׃ 21 ודאר במדבר דפראן ואנסבת לה אמה אתתה מן ארע מצראי׃
22 והוה ביתה זבנה ואמר אבימלך ופם כל נסיא חילה לאברהם למימר אלהה עמך בכל מה דעתֿ עבוד׃ 23 וכדו אשתבע לי באלהה הכה הן תדלס בי ולמולדי ודלקבלי וכטבה דעבדת עמך תעבד עמי ועם ארעה דאתגרת בה׃ 24 ואמר אברהם אנה אשתבע׃ (p. 23) 25 ואוכח אברהם ית אבימלך על דדי באר מיה דעצו שמשי אבימלך׃ 26 ואמר אבימלך לא חכמת מן עבד ית ממללה הדה ואף אתֿ לא הזֿית לי ואף אנה לית שמקת אלא הדה יומה׃
27 ונסב אברהם עאן ותורין ויהב לאבימלך וקטעו תריהון קיאם׃ 28 ואקים אברהם שבע כבשין האלין דאקמת לודון׃ 29 ואמר אבימלך לאברהם מה אנין שבעתי אמריה אלין דאקימתה לחודין׃ 30 ואמר אברהם הלא ית שבע כבשיה תסב מן אדי בדיל תהי לי סהר הלא חפסתי ית בארה הדן׃ 31 בדיל זעק ליתה אתרה באר סבע(שבע) הלא תמן אשתבעו תריון׃ 32 וקטעו קיאם בבאר שבע וקעם אבימלך ומימר רב חילה ועזרו לארע פלסטאה׃ 33 ונצב אברהם פרדים בבאר שבע וזעק תמן בשם יהוה חיולה עלאה׃ 34 ואתותב אברהם בארע פלסטאה יומין סגים׃
1 והוה בתר ממלליה אלין ואלהה אנסה ית אברהם ואמר לה אברהם ואמר האנה׃ 2 ואמר סב שבי ית ברך ית אחדך דרחמת ית יצחק וזל אתי לארע חזיתה ואסקה תמן מסוק על אחד טבריה דאימר לך׃ 3 ואקרם אברהם בצפרה ושקח ית חמורה ונסב ית תרי רביו עמה וית יצחק ברה ופסה עחי עלתה וקעם ואהלך לאתרה דאמר לה אלהים׃ 4 ביומה תליתה וסבל אברהם ית עיניו וחזה ית אתרה מרחיק׃ 5 ואמר אברהם לרבקיו תבו לוכון הכה עם החמור ואנה ונערה נהלך עד הכה ונסגר ונעזר לידכון׃ 6 ונסב אברהם ית עחי עלתה ושוה על יצחק ברה ונסב באדה ית נורה וית סכינה ואהכו תריהון כהחה׃
7 ואמר יצחק לאברהם אבוה ואמר אבה ואמר אה אנה ברי ואמר אה נורה וקיצמה ואהן נקיה לעלתה׃ 8 ואמר אברהם אלהים יחזי לה נקי לעלתה ברי ואזלו תריהון כחדה׃ 9 ועלו לאתרה דאמר לה אלהה ובנה תמן אברהם ית מדבחה ועלץ ית עחי ועסק ית יצחק ברה ושבה יתה על מדבחה מלעל לקימצה׃ 10 ושגר אברהם ית אדה ונסב ית סכינה למכס ית ברה׃
11 וזעק לה מלאך יהוה מן שומיה ואמר אברהם אברהם ואמר האנה׃ 12 ואמר לא תטלק אדך על רביה ולא תעבד לה כלום הלא כדו חכמת הן דחיל מן אלהה אתֿ ולא מנעת ית ברך ית לביבך מני׃ 13 ותלא אברהם ית עיניה וחזה והא נקי חר אחיד בעקוף בעטלפיו והך אברהם ונסב ית נקיה ואסקנה סליקה חליפת ברה׃ (p. 24) 14 וזעק אברהם ית שם אתרה ההוא יהוה יראה דיתמר יומן בטורה יהוה יחזי ינפש׃
15 וזעק מלאך יהוה לאברהם תנינית מן שזמיה׃ 16 ואמר בי אשתעבת מימר יהוה הלא חלף מרוק דעבדת ית ממללה הדה ולית מנעת ית ברך ית לביבך מני׃ 17 הלא ברוך אברכנך וסגו אסגי ית נופך ככוכבי שומיה כחולה דעל ספת ימה ויירת זרעך ית קורי דבביו׃ 18 ויתברכון בזרעך כל עמה דארעה גזוי דשמעת מן קלי׃ 19 ועזר אברהם לרביו וקעמו ועזלו כחדו לבאר שבע ודאי אברהם בבאר שבע׃
20 והוה בתרה ממלליה האלין ואתחוי לאברהם מימרה הא ילדת מלכה אף הי ברים לנחור תלימך׃ 21 ית עוץ בכורה וית בוז תלימה ויה קמואל אבה ארם׃ 22 וית כשד וית חזו וית פילדש וית ידלף וית בתואל׃ 23 ובתואל הולד ית רבקה תמנה האלין דילדת מלכה לנחור תלים אברהם׃ 24 וכבלנתה ושמה רומה וילדת אף הי ית טבח וית גחם וית תחש וית מעכה׃
1 והות קיומי שרה מואן שתה ועסרין שתה וסבע סנין שני קיומי שרה׃ 2 ומיתת שרה בקרית ארביעתה ליד עמק הו חברון בארע כנען ואתא אברהם למספד שרה ולמבכאתה׃ 3 וקעם אברהם מן על אפי מיתה ומלל עם ברי חת למיסר׃ 4 גיור ות?ות?ב אנה עמוכון ואקבר ית מיתי מלקדמי׃ 5 ואגיבו ברי חת ית אברהם אמרים׃ 6 לא שמקנן רבי נסיא אלהה אתֿ בגבנן בבחור קברינן קבר ית מיתך גבר מנן ית קברה לא י?מנע מנך קבר מיתך׃ 7 וקעם אברהם וסגד לעמה דארעה לברי חת׃ 8 ומלל עמנן למימר אן אתריחית נפשכון למקבר ית מיתי מלקדמי שמקוני ואמלכו לי עפרון בר צהר חתאה׃ 9 ויהב לי ית מערת מכפלתה דלה דביסטר עקלה באורק שלם יהבנה לי בגבוכון לסחנת קבר׃ 10 ועפרון דאר בגו ברי חת׃
ואגיב עפרון חתאה ית אברהם במשמוע ברי חת לכל עלולי תרח קרתה למימר׃ 11 לא רבי שמקני חקלה יהבת לך ומערתה דבה לך יהבהה לחזות ברי עמי יהבתה לך קבר מיתך׃ 12 וסגד אברהם לקודם עמה דארעה׃ 13 ומלל לעפרון במשמוע עמה דארעה למימר ברם הן אתֿ לי שמקוני אהב אבר עקלה סב מני ואקבר ית מיתי תמן׃ 14 ואגיב עפרון ית אברהם למימר׃ 15 לא שמקני ברי ארע ארבעת מואן מתקל אבר ביני ובינך מה הוא וית מיתך אקבר׃ (p. 25) 16 ושמק אברהם לעפרון ואתקל אברהם לעפרון ית זוזה דמלל באצתות ברי חת ארבעת מואן אתקל אבר נגדי תיגרה׃ 17 וקעם עקלה דעפרון דבמכפלתה דעל אפי ממראֿ עקלה ומערתה דבה וכל אילנה דבעקלה דבכל תחומה סחר׃ 18 לאברהם לקנין לסהדות ברי חת בכל עלולי תרח קרתה׃ 19 ובתר כן קבר אברהם ית שרה אתתה לגו מערת עקל מכפלתה דעל אפי ממראֿ הי חברון בארע כנען׃ 20 וקעם עקלה ומערתה דבה לאברהם סחנת קבר מן עם ברי חת׃
1 ואברהם סהב עלול ביומיה ויהוה ברך ית אברהם בכלה׃ 2 ואמר אברהם לשמשה סהב ביתה השליט בכל דלה שוי שבי אדך כתי מיתובי׃ 3 ואשבענך ביהוה אלהה דשומיה ואלהה דארעה הן לא תסב אתהֿ לברי מבנאת כנענאה דאנה דער לגוה׃ 4 הלא לארעי ולמולדי תיזל ותסב אתה לברי ליצחק׃ 5 ואמר לה עבדה מהן לא תתרחי אתתה למיזל בתרי ליד ארעה דאה עזור אעזר ית ברך לארעה דנפקת מתמן׃ 6 ואמר לה אברהם אנטר לך ברן תעזיר ית ברי תמן׃ 7 יהוה אלהה דשומיה דנסבני מבית אבה ומן ארע מילדי ודמלל לי ודאשתבע לי מימרה לזרעך אהב ית ארעה דאה הוא ישגר מלאכה לקמיך ותסב אתה לברי מתמן׃ 8 והן לא תצבי אסאה למיזל בתרך ותתברי מן אמי דאה לוד ית ברי לא תעזר לתמן׃ 9 ושבה עבדה ית אדה כתי מיתובי אברהם רבה ואמין לה על ממלה הדן׃
10 ונסב עבדה עשרה גמלין מן גמלי רבה ואזל כל איקר רבה באדה וקעם ואזל ליד ארם נהרים לקרית נחור׃ 11 ואשרע גמליה מלבר למדינתה על באר מיה לזבן רמש לעדן מפוק מליאתה׃ 12 ואמר יהוה אלהה רבי אברהם אזמן שבי לקדמי יומן ועבד טבו עם רבי אברהם׃ 13 הא אנה קעם על עין מיה בראת גברי קרתה נפיקין לממלי מיה׃ 14 ותהי רביתה דארשי לה אמכי ני קלתיך ואשתי ותימר שתי ואף גמליך אשקה יתה אזמנת לשמשך ליצחק ובה אחכם הלא עבדת טבו עם רבי אברהם׃
15 והוה הוא אדלא אתסכם מן ממללה עם לבה והא רבקה נפיקה דילדת לבתואל בר מלכה אתת נחור תלים אברהם וגיגתה על כתפה׃ 16 ורביתא טבת חזב שריר בתולתה וגבר לא חכמה ונחתת עינה ומלת קלתה וסקלת׃ (p. 26) 17 ורעט עבדה לזימונה ואמר אשקיני ציבעד מיה מן קלתיך׃ 18 ואמרת שתי רבי וזרזח ואחתת גיגתה על אדה ואשקאה׃ 19 ואתסכמת מן משקתה ואמרת אף לגמליך אסלף סער אן יסכמו מן משתואה׃ 20 ופרת ואחתת קלתה על משקואה ורעטת חורי לבארה לממלי ומלת לכל גמליו ׃ 21 וגברה שתיו מנה ומשתק למחכם האזמן יהוה שבילה הן לא׃
22 והוה כמה אתסכמו גמליה מן משתואה ונסב גברה קורש זהב טבע מתקלה ושבה על מנשמה ותרי שעירים על אדו?ה עסרה דהב מתקלון׃ 23 ואמר ברת מן אתי חוי שבי לי הית בבית אבוך אתר לנן למבית׃ 24 ואמרת לה ברת בתואל אנא בר מלכה דילדת לנחור׃ 25 ואמרת לה אף תבנה אף כסה סגי עמנן ואף אתרה למבית׃ 26 ועקד גברה וסגד ליהוה׃ 27 ואמר בריך יהוה אלהה דרבי אברהם דלא שבק טבואתה וקשטה מן עם רבי אברהם אנה בשבילה נגדני יהוה בית תלים רבי׃
28 ורעטת רביתה וחוית לבית אמה כממלליה אלין׃ 29 ולרבקה תלים ושמה לבן ורעט לבן לגברה לבראה ליד עינה׃ 30 והוה כמחזיה ית קודשיה ושעיריה על אדי תלימותה וכמשמעה ית ממללי רבקה תלימתה למימר כן ממלל לי גברה ואתא ליד גברה והא קעם על גמליה על עינה׃ 31 ואמר בריך יהוה מן אתי למה תקום בבראה ואנה אזרמת ית ביתה ואתר לגמליה׃ 32 ואתא גברה לבותה ושרא גמליה ויהב תבנה וכסה לגמליה ומיה למהסי רגליו ורגלי גבריה דעמה׃ 33 ושבה קדמה למיכל ואמר לא איכל סעד הן מללתי ממללי ואמרו מלל׃
34 ואמר שמש אברהם אנה׃ 35 ויהוה ברך לרבי שריר ורבה ואהב לה עאנין ובוקר וכספה ודהבה ושמשין וסולאן וגמליה וחמוריה׃ 36 וילדת שרה אתת רבי בר לרבי בתר סיבותה ויהב לה ית כל דלה׃ 37 ואשבעני רבני למימר לא תסב אתה לברי מבראת כנענאה דאנה דער בארעה׃ 38 אלא לבית אבה תיזל ולכרני ותסב אסה לברי׃ 39 ואמרת לדבני מהן לא תהך אתתה בתרי׃ 40 ואמר לי יהוה דאתיזלת לקדמיו ישגר מלאכה עמך ויזמן שבילך ותסב אתה לברי מכרני ומבית אבה׃ 41 טטא תתברי מתקומתי כד תיעל ליד כרני ואלית יהבו לך ותהי מזדכי מלבוטי ׃
42 ואתית יומה ליד עינה ואמרת יהוה אלהה דרבי אברהם הן יתך שבי מזמן שבילי דאנה מהך עלויה׃ 43 הא אנה קעם על עין מיה ותהי רביתה הנאפקה לממלי ואימר לה השקיני שבי ציבעד מים מקלתיך׃ 44 ותימר לי אף אתֿ שתי ואף לגמליך אסלף היא אתתה דכון יהוה לבר רבי׃ (p. 27) 45 אנה אדלה אתסכם מן ממללה עם לבי והא רבקה נפיקה וגיגתה על כתפה ונחתת עינה ומלת ואמרת לה השקיני שבי זעור מים מקלתיך׃ 46 ופרת ואחתת קלתה מן עלויה ואמרת שתי ואף גמליך אשקה ושתית ואף גמליה השקת׃ 47 ואשול יתה ואימר ברת מן אתי ואמרת ברת בתואל בר נחור דילדת לה מלכה ושוית קודשה על נירה ושעיריה על אדה׃
48 ועקדת וסגדת ליהוה וברכת ית יהוה אלהה דרבי אברהם דאנגדני בשביל קשטה למסב ית ברת תלים רבי לברה׃ 49 וכדו הן יתכון עבדין טבו וקשט עם רבי החויו לי והן לית תחויו לי לאתפני על ימינה אי על סמאלה׃ 50 ואגיב לבן ובתואל ואמרו מיהוה פק ממללה לא נרשי נמלל עמך ביש וטב׃ 51 הא רבקה לקמיך סב וזל ותהי אתה לבר רביך כמה דמלל יהוה׃
52 והוה כמה שמק שמש אברהם ית ממלליהון וסגד ארעה ליהוה׃ 53 ואפק שמשה מאני כספה ומאני דהבה ולבושים ויהב לרבקה ומהונין יהב לתלימיה ולאמה׃ 54 ואכלו ושתו הוא וגבריה דעמה והביתו וקעמו בצפרה ואמר שגרוני לרבי׃ 55 ואמרו תלימיה ואמר תדור רביתה עמנן יומים אי ירח ובתר תיזל׃ 56 ואמר לון לא תשחוו יתי ויהוה אצלח ית שבילי שגרוני ואמהך לרבי׃ 57 ואמרו נזעק לרביתה ונשול ית פמה׃ 58 וזעקו לרבקה ואמרו לה התיזלי עם גברה הדן ואמרת איזל׃ 59 ושגרו ית רבקה תלימתון וית מינקתה וית שמש אברהם וית גבריו׃ 60 וברכו ית רבקה ואמרו לה תלימתן אתֿי הוי לאלפי סגואה ויירתֿ זרעך ית קורי דבביו׃ 61 וקעמת רבקה ורביאתה וארככבין על גמליה ואזלין בתר גברה ונסב שמשה ית רבקה ואזל׃
62 ויצחק אתי במדברה באר קעימה חזי והוא דער בארע דרומה׃ 63 ופק יצחק למצלאה בבראה לעדן רמש ותלא עיניו והוה והא גמליה אתים׃ 64 ותלת רבקה ית עיניה ועמת ית יצחק וגענת מעל גמלה׃ 65 ואמרת לשמשה מן גברה זהיה המהך בבראה לזימונן ואמר שמשה הוא רבי ונסבת זהרה ואסתתֿרת׃ 66 ותנא עבדה ליצחק ית כל ממלליה דעבד׃ 67 ואנדאהה יצחק אגן שרה אמה ינסב וית רבקה והות לה לאתה ורחמה ואסתובר יצחק בתר אמה׃
1 ואוזף אברהם וסב אתאה ושמה קיטורה׃ 2 וילדת לה ית זמרון וית יקשן וית מדן וית מדין וית ישבק וית שוח׃ (p. 28) 3 ויקשן אולד ית שבא וית דדן וברי דדן הוו ריטורים ואמשחים ואמנים׃ 4 וברי מדין עינה ואפר חנוך ואבידע ואלדעה כל אלין ברי קיטורה׃ 5 ויהב אברהם ית כל דלה ליצחק ברה׃ 6 ולברי כבלניה דלאברהם יהב אברהם מתנואן וטלקון מעל יצחק ברה ממדהוא קעים מדנעה ליד ארע מדנעתה׃
7 ואלין ימי שני קיומי אברהם דאתוחי מואן שתה ושבעין שתה וחמש שנין׃ 8 ושלם ומית אברהם בסיבותה טבתה סהב וסביע יומיה ואכנש ליד עמה׃ 9 וקברו יתה יצחק וישמעאל בריו במערת מכפלתה לגו עקל עפרון בר צהר חתאה דעל אפי ממרא׃ 10 עקלה דזבן אברהם מן עם ברי חת תמן אקבר אברהם ושרה אתתה׃ 11 והוה בתר מות אברהם ברך אלהה ית יצחק ברה ודער יצחק עם באר קעימה חזי׃
12 ואלין תולדי ישמעאל בר אברהם דילדתה הגר מצראיתה סולת שרה לאבדהם׃ 13 ואלין שמהאן ברי ישמעאל בשמהאתון לתולדון בכיר ישמעאל נבאות וקדד ואדבאל ומבשם׃ 14 ומשמע ודומה ומשא׃ 15 הדד ותימה יטור נפיש וקדמה׃ 16 האלין אנון ברי ישמעאל והאלין שמהאתון בדרביתון ובקליעתון תרתין עסר נסיאין לרומון׃ 17 והאלין שני קיומי ישמעאל מואן שתה ותלתין שתה ושבע שנין ושלם ומית ואכנש לעמה׃ 18 ושרו מן חוילתה סעד שור דעל אפי מצראי במיעלך אשורה על אפי כל תלימיו נפל׃
19 ואלין אתילדות יצחנן בר אברהם אברהם הולד ית יצחק׃ 20 והוה יצחק בר ארבעים שתה במסבה ית רבקה ברת בתואל ארמאי מפדן ארם תלימת לבן ארמאי לה לאתה׃ 21 וצלאה יצחק ליהוה לכון אתתה הלא עקרוריתה היא ואתבעי לה יהוה ובטנת רבקה אתתה׃ 22 ורצצו בניה בגוה ואמרת הן כן למה דן אנה ואזלת למבעי מן יהוה׃ 23 ואמר יהוה לה תרי גועיה בכרסיך ותרי כרנים מכרשיך יתפרקו וכרן מכרן יתחיל ורבה ישמש זעורה׃ 24 ואשלמו יומיה למילד והא תומים בכרסה׃ 25 ופק קדמאה סמוקאי כלה ככוכלת סער וזעקו שמה עשו׃ 26 ובתר כן פק תלימה ואדה אחידה בעפוק עשו וזעקו שמה יעקב ויצחק בר ששין שתה בילדותה יתון׃ 27 ורבו רביה והוה אלולי עשו גבר צוד וחכם בפלינה ויעקב גבר שלים יתיב במשכנין׃ 28 ורחם יצחק ית עשו הלא צידה בפמה ורבקה רעמת ית יעקב׃
29 ובשיל יעקב תבשיל ועל עשו מן ברה והוא עקיץ׃ 30 ואמר עשו ליעקב אסגיי שוי מן סמוקה סמוקה הדן הלא עקיץ אנה בדיל כן זעק שמה סמוקאי׃ (p. 29) 31 ואמר יעקב זבנה כיומן ית בכורתך לי׃ 32 ואמר עשו אנה הלקי לממית ומה עובדי בבכרתה׃ 33 ואמר יעקב השתבע לי כיומן והשתבע לה וזבן ית בכורתה ליעקב׃ 34 ויעקב יהב לעשו לחם ונפצק עד שוי ואכל ושתה וקם ולך ואשפי עשו ית בכירתה׃
1 והוה כפנה בארעה מלבר כפנה קדמאה דהוה ביומי אברהם ואזל יצחק לות אבימלך פלסטיני עסקלון׃ 2 ואתחזי לה יהוה ואמר אל תיעת לנפיק דעיר בארעה דיימר לך׃ 3 תותב בארעה הד?ה ואהי עמך ואברכנך הלא לך ולבניך אהב ית כל ארעיה אלין ואקים ית שבועה דאשתעבת לאברהם אביך׃ 4 ואסגי ואשים ית בניך ככוכבי שומיה והב לבניך ית כל ארעיה אלין ויתברכון בבניך כל עממי ארעה׃ 5 גזוי דשמוע אברהם אבוך לקלי ויטר מטרתי פקודי גזיראתי ותורותי׃
6 ותותב יצחק בעסקלון׃ 7 ושאלו אגשי אתרה על אתתה ואמר אחותי היא הלא דחל לאמד אתתי היא ברן יקטלוני אנשי אתרה על רבקה הלא טובת חזבר היא׃ 8 והוה כד אתורכו לה תמן יומיה ואדיק אבימלך מלך פלשחאי בסעד ליסקה וחזה והא יצחק מלעב ית רבקה אתתה׃ 9 וזעק אבימלך ליצחק ואמר ברן הא אתתך היא והך אמרת אחתי היא ואמר לה יצחק הלא אמרתי הדלא אמות עליה׃ 10 ואמר אבימלך מה דה עברת לנן חזעור דמך אחד עמה עם אתתך ותנדי עלינן אתם׃ 11 ופקד אבימלך ית כל עמה למימר דקרב בגברה הדן ובאסה קטל יקטל׃
12 וזרע יצחק ביתה ארעה ואשקחה ביתה שתה מאה שיאמים וברכה יהוה׃ 13 ורבה גברה ואתא אתה ורבה סעד הן רבה שריר׃ 14 והוה לה נכםן אען ונכסן בוקר ופרנסה סגי ופנסו יתה פלשתאה׃ 15 וכל בירותתה דחפרו שמשי אבוה ביומי אברהם אבוה טמנון פלסטאיה ומלתון קטם׃ 16 ואמר אבימלך ליצחק זל מן עמן כד אתחילת מנן שריר׃ 17 ואזל מתמן יצחק ושרה בנחל גרר ושרה תמן׃ 18 ועזר יצחק וחפר ית בארות מיה דחפרו שמשי אברהם אבוה וטמנון פלסטאיה בתר מות אברהם וזעק לון שמהן כשמהן דזעק לון אבוה׃ 19 וחפסו שמשי יצחק בנחלה ושקחו תמן באר מים חלוין׃ 20 ותיגרו רעי גרר עם רעני יצחק למימר לנן מיה וקעק שם בארה עצו כד עצותה עמה׃ 21 וחפרו באר חורנה והתיגרו אף עליה וקעק שמה אעשדה׃ (p. 30) 22 ועקר מתמן וחפרו באר חורן ולא אתיגרו עליה וקעק שמה נפושה ואמר הלא כען נפש יהוה לנן ופרינן בארעה׃ 23 וסלק מתמן לבארה שבע׃
24 והגלי לה יהוה ביתה לילה ואמר אנה אלהה אברהם אביך לא תדחל הרי עמך אנה ואברכנך ואסגי ית זרעך בסעד אברהם עבדי׃ 25 ובנה תמן מדבח וזעק בשם יהוה וקבע תמן אגנה וקטו תמן שמשי יצחק גוב׃ 26 ואבימלך אזל לידה מגרר ואחזת עברה ומימר כל רב חילה׃ 27 ואמר לון יצחק כמה אתיתון לידי ואתון סניתון יתי ושגרתוני מן עמוכון׃ 28 ואמרו חזו חזינן הלא הוה יהוה עמך ואמרנן תהי שבי תקומה מבניאה ביננאן ובינך ונקטע קיאם עמך׃ 29 אם תעבד עמננאן ביש כמה דלא קרבננאך וכמה דעבדנן עמך לחוד טב ושלחננתך בשלם כדו אתה ברוך יהוה׃ 30 ועבד לון משתה ואכלו זשתו׃ 31 אקדמו בצפרה ואשתבעו גבר לחברה ושלחון יצחק ואזלו מן עמה בשלם׃ 32 והוה ביומה ההוא ואתו עבדי יצחק וחבו לה על דדי בירה דחפרו ואמרו לה אשקעגן מים׃ 33 וקרא יתה שבעה על כן שם קרתה באר שבע עד יומה הדן׃ 34 והוה עשו בר ארבעים שתה ונסב אתֿה ית יהודית ברת בארי החאי וית בשמת ברת אילון חואה׃ 35 והויתן ממראן רוח ליצחק ולרבקה׃
1 והוה כד סהב יצחק וכמעי עיניו מן חזו וזעק ית עשו ברה רבה ואמר לה ברי ואמר לה הנאה׃ 2 ואמר הא שבי סהבת לא עכמת יומה מותי׃ 3 וכדו תלי שבי מניך מרמיתך וקשתך ופק לברה וצד לי ציד׃ 4 ועבד לי טעמנים כמה דרחמתי ותנדי לי ואיכל בדיל תברכנך נפשי באדלה אמות׃ 5 ורבקה שמעת בממלל יצחק עם עשו ברה ואזל עשו לברה למצעד ציד למגדאה׃ 6 ורבקה אמרת ליעקב ברה למימר הא שמעת ית אבוך ממלל עם עשו אחוך למימר׃ 7 העאל לי ציד ועבֿד לי טעמנים ואיכל ואבדכנך לקדם יהוה לקרם מותי׃ 8 וכדו ברי שמע בקלי לדה אנה מפקדה יתך׃ 9 עזל שבי ליד עאנה וסב לי מתמן תרי גדיי עזים טבים ואעבד יתון טעמונים לאבוך כמה דרחם׃ 10 ותעאל לאבוך וייכל בריל דיברכנך לקדם מותה ׃
11 ואמר יעקב לרבקה אמה הא עשו אחי גבר סעיר ואנה גבר נקי׃ 12 מאן ימושני אבה והיית בעיניו כמטעי ותיעל עלי קללה ולא ברכה׃ 13 ואמרת לה אמה עלי קללתך ברי ברן שמע בקלי ואזל סב לי׃ (p. 31) 14 ואזל ואנסב ואנדה לאמה ועבדת אמה טעמנים כמה דרחם אבוה׃ 15 ונסבת רבקה ית רקעי עשו ברה רבה חמידאתה דעמה בביתה ואלבשת ית יעקב ברה זעורה׃ 16 וית משכי גדיי עזיאה הלבשת על אדה ועל נקיות צברה׃ 17 ויהבת ית טעמניה וית לחמה דעבדת באֿד יעקב ברה ועאל ליד אביו׃ 18 ואמר אבה ואמר האנה מן אתה ברי׃ 19 ואמר יעקב לאבוה אנה עשו בכרך עבדת כמה דמללת עמי קום שבי אשעד ואכל מצידי בדיל תברכני נפשך׃ 20 ואמר יצחק לברה מה דן זרזת למשקעאה ברי ואמר הלא אזמן יהוה אלהיך לקדמי׃ 21 ואמר יצחק ליעקב קדם שבי ואמושנך ברי האתה דן ברי עשו אם לא׃
22 וקרם יעקב ליד יצחק אבוי ומאשה ואמר הקלה קל יעקב ואדיה אדי עשו׃ 23 ולא אכרה הלא הוו אדיו כאדי עשו אחוה סעירן וברכה׃ 24 ואמר האתה דן ברי עשו ואמר אנה׃ 25 ואמר קדמה לי ואיכל מציד ברי לבדיל תברכנך נפשי וקדם לה ואכל ואנדה לה עמר ושתה׃ 26 ואמר לה יצחק אבואה קרם שבי ושק לי ברי׃ 27 וקרם ונשק לה וארית ית ריח רקעיו וברכה ואמר חזו ריח ברי כרית ברה שלמה דברכה יהוה׃ 28 ויהב לך האלהים מטל שומיה ומשמני ארעה וסגי דגין ויביש׃ 29 ישמשונך עממאי ויסגדון לך לאמים הוי רב לאחיך ויסגדון לך בני אמך לעטים לעיט ומברכיך בריך׃
30 והוה כמה דאסכם יצחק למברכה ית יעקב והוה ברן מפוק נפק יעקב מן עם קדם יצחק אבוה ועשו אחוה אתא מצידה׃ 31 ועבד אף הוא טעמנים ועאל לאביו ואמר לאבוה יקום אבי וייכל מציד ברה בדיל תברכני נפשך׃ 32 ואמר לה יצחק אבוה מן אתה אמר אנה ברך בכרך עשו׃ 33 וארתת יצחק ארתתה רבה עד שריר ואמר מן אתרגז מצוד ציד ואנדה לי ואכלת מכלה באדלה תיתי וברכתה ואף בריך ייהי׃
34 והוה כשמע עשו ית מלי אבוה וצבע צבעה רבה ומרירה עד שריר ואמר לאבוה ברכני אף אנה אבה׃ 35 ואמר עאל אחוך במרמה ונסב ית ברכתך׃ 36 ואמר אשפיר קרא שמה יעקב ועקבני דן זבנאים ית בכורתי נסב והא כדו נסב ברכתי ואמר הלא הצלת לי ברכה׃ 37 ואגיב יצחק ואמר לעשו הא רב שביתה לך וית כל אחיו אהבת לה לעבדים ודנן ויביש סמכתה ולך ארגז מה אעבד ברי׃ 38 ואמר עשו לאבוה הברכה הדה היא לך אבה ברכני אף אנה אבה ותלא עשו קלה ובכה׃ 39 ויגיב יצחק אבוה ואמר לה הן משמני ארעה הי מדורך מטל לעל׃ (p. 32) 40 ועל חרבך תח?י וית אחוך תשמש והי כסה דתתקן ותפרק נירה מן על צבארך׃ 41 וסנה עשו ית יעקב על ברכתה דברכה אבוה׃
ואמר עשו בלבה יקרבו יומי אבל אבה ואקטל ית יעקב אחי׃ 42 ואתהוי לרבקה ית מלי עשו ברה רבה ושלחת וזעקת ליעקב ברה זוערה ואמרה לה הא עשו אחוך מתעתד לך למקטלנך׃ 43 וכדו ברי שמע בקלי וקום עקר לך ליד לבן אחי לחרן׃ 44 ותעזר עמה יומים יחידאים עד דתעזר חימת אחוך׃ 45 עד עזר רגז אחוך מנך ויתנשי ית דעבדת לה ותשלח ואזבנך מתמן למה אתכל אף תריכון יום חרה׃ 46 ואמרת רבקה ליצחק אציקת בחיי מקדם בנת חת הן נסב יעקב אתֿה מבנאת חת כאלין מבונת ארעה למה לי חיים׃
1 וזעק יצחק ליעקב וברך יתה ופקדה ואמר לה לא תסב אתה מבנת כנען׃ 2 קום אזל לפדן ארם לבית בתואל אבה אמך וסב לך מתמן אתתה מבנת לבן אחי אמך׃ 3 ואל שדי יברך ותך ויפרינך ויסגינך ותהיֿ לקהל עממאי׃ 4 ויהב לך ית ברכת אברהם אבוך לך ולזרעך עמך למירת ית ארע מתותביך דיהב יהוה לאברהם׃ 5 ושלח יצחק ית יעקב ואזל לפדנה ארם ליד לבן בר בתואל ארמאה אחי רבקה אם יעקב ועשו׃
6 וחזה עשו הלא ברך יצחק ית יעקב ושלח יתה לפדנה ארם למסב לה מתמן אתה בברוכה יתה ופקד עליו למימר לא תסב אתתה מבנת כנען׃ 7 ושמע יעקב לאבואה ולאמה ואזל לפדן ארם׃ 8 וחזה עשו הלא בישן בנת כנען בעיני יצחק אבוה׃ 9 ואזל עשו ונסב ית מחלת ברת ישמעאל בר אברהם אחֿת נבאות על נשיו לה לאתה׃
10 ונפק יעקב מבאר סבע למיזל לחרן׃ 11 ופגע באתר ואבית תמן הלא על שמשה ונסב מן אבני אתרה ושבה סמיכתה ודמך באתרה ההוא׃ 12 וחלם והא סלם קעם ארעה ורישה מטי שוסיה והא מלאכי אלהים סלקים ונעתים בו׃ 13 והא יהוה מתקומם עלויו ואמר אנה יהוה אלהי אברהם אבוך ואלהי יצחק ארעה דאתה דמך עליה לך אתננה ולזרעך׃ 14 והי זרעך כעפר ארעה ותפתי למערבה ולמדנעה ולצפונה ולדרומה ויתברכון בך כל כרני ארעה ובזרעך׃ 15 והא אנה עמך ואטרנך בכל דתיזל ואעזרנך לארעה הדה הלא לא אשבקנך עד דאם אעבד ית דמללת לך׃
(p. 33) 16 ואתעיר יעקב משנתה ואמר אכן את יהוה באתרה הדן ואנה לא עכמת׃ 17 ודחל ואמר מה נוראי אתרה הדן לית דן הלא אם בית אלהים ודן תרח שומיה׃ 18 ואקדם יעקב בצפרה ונסב ית אבנה דשבֿה סמיכתה ושוה יתה קעמה וארק משח על רישה׃ 19 וקרא ית שם אתרה ההוא בית אל ואולם לוזה שם קרתה לקדמאהו׃ 20 ונדר יעקב נדר למימר אם הי אלהים עמי ויטרני בשבילה הדן דאנה אזל ויתן לי לחם למיכל ולבוש למלבש׃ 21 ויעזרני בשלם לבית אבה ויהי יהוה לי לאלהים׃ 22 ואבנה הדה דשבית קעמה הי בית אלהים וכל דתתן לי עסור אעםרנה לך׃
1 והלא יעקב רגלה ואזל ארע ברי מדנע׃ 2 וחזה והא באר בברה והא תמן תלתה עדרי עאן רבעים עלויה הלא מן בירה ההיא ישקו עדריה ואבן רבה על פם בירה׃ 3 ויכנשון תמן כל רעיניה ויגללון ית אבנה מן על פם בירה וישקון ית עאנה ויעזרון ית אבנה על פם בירה לאתרה׃ 4 ואמר לון יעקב אחי מנאן אתיתון ואמרו מן חרן אנחנן׃ 5 ואמר לון החכמתון ית לבן בר נחור ואמרו חכמנן׃ 6 ואמר לון השלם לה ואמרו שלם והא רחל ברתה אתיה עם עאנה׃ 7 ואמר הן עוד יומן רבה לא זבן אכנש קנינה השקו עאנה ואזלו רעו׃ 8 ואמרו לא נכל עד דיכנשון כל רעיניה ומגללין ית אבנה מן על פם בירה ומשקין עאנה׃ 9 אכדו ממלל עמון ורחל אתיה עם עאנה דלאבוה הלא רעיהֿ היא׃
10 והוה כד חזה יעקב ית רחל ברת לבן אחי אמה וית עאן לבן אחי אמה וקדם יעקב וגלל ית אבנה מן על פם בירה ושקה ית עאן לבן אחי אמה׃ 11 ונשק יעקב לרחל וחלא ית קלה ובכה׃ 12 והבי יעקב לרחל הלא אחי אבותה הי והלא בר רבקה הו ורעטת והביאה לאבואה׃ 13 והוה ממשמע לבן ית שמע יעקב בר אחתה ורעט לזימונה וגפף לה ונשק לה ואעאלה לביתה ותני ללבן ית כל ממלליה אלין׃ 14 ואמר לה לבן ברן גרמי ובסרי אתה ודר עמה ירח יומים׃ 15 ואמר לבן ליעקב הכות תלימי אתה ותשמשני מגן וחבי לי מה אגירותך׃
16 וללבן תרתי בנת שם רבתה לאה ושם זעורתה רחל׃ 17 ועיני לאה רכיכן ורחל הות ייה שפר וייה חזב׃ 18 ורעם יעקב ית רחל ואמר יעקב אשמשנך שבע שנין ברחל ברתך זעורתה׃ 19 ואמר לבן טב מתן יתה לך ממתן יתה לגבר עורן דר עמי׃ (p. 34) 20 ושמש יעקב ברחל שבע שנים והוו בעיניו כיומים יחידאים ברעמותה יתה׃ 21 ואמר יעקב ללבן העאל ית אשתי הלא אמלו יומי ואיעל לותה׃ 22 וכנש לבן ית כל אנשי אתרה ועבֿד משתו׃ 23 והוה ברמשה ונסב ית לאה ברתה ואעאל יתה לידה ואעל לותה יעקב׃ 24 ויהב לבן ית זלפה שמשתה ללאה ברתה לשמשי׃ 25 והוה בצפרה והא הי לאה ואמר ללבן מה עבדת לי הלא ברחל שמשת עמך ולמה רמיתני׃ 26 ואמר לבן לא יתעבד כן באתרינן למתן זעורתה לקדם רבתה׃ 27 מלאֿי שבוע הדה ואתן לך אף ית דה בתשמישה דתשמש עמי עוד שבע שנים עורנין׃ 28 ועבד יעקב כן ומלאֿ שבוע דה ויהב לה ית רחל ברתה לה לאתה׃ 29 ויהב לבן לרחל ברתה ית בלהה שמשתה לה לשמשי׃ 30 ואעל אף לות רחל ורעם אף ית רחל מלאה ושמש עמה עוד שבע שנים עורנין׃
31 וחזה יהוה הלא מסתניה לאה ופתח ית רחמה ורחל עקרה׃ 32 ובטנת לאה וילדת בר וקרת ית שמאֿ ראובן הלא אמרת הלא חזה יהוה בלבוטי הלא כדו ירעמני גברי׃ 33 ובטנת עוד וילדת ואמרת הלא שמע יהוה הלא ממתניה אנה ויהב לי אף ית דה וקרת ית שמה שמעון׃ 34 ובטנת עוד וילדת בר ואמרת כדו זבנה ילוי גברי לי הלא ילדת לה תלתה בנים על כן קרת שמאֿ לוי׃ 35 ובטנת אורי וילדת בר ואמרת הזבנה אודית ית יהוה על כן קרא שמהֿ יהודה וקעמת ממילד׃
1 וחזת רחל הלא לא ילדת ליעקב וקנת רחל באחתה ואמרת ליעקב הב לי בנים ואם לית מאתה אנה׃ 2 ותקף רגז יעקב ברחל ואמר החליפת אלהים אנה דאמנע מנך פרי מעין׃ 3 ואמרת הא אמתי בלהה על לותה ותילד על ברוכי ואבנהֿ אף אנה מנה׃ 4 ויהבת לה ית בלהה שמשתה לאתה ועאל לותה יעקב׃ 5 ובטנת בלהה וילדת ליעקב בר׃ 6 ואמרת רחל דעני אלהיט ואף שמע בקלי ויהב לי בר על כן זעק שמה דן׃ 7 ובטנת אורי וילדת בלהה שמשת רחל בר תניאן ליעקב׃ 8 ואמרת רחל פתאתי אלהים פתוי עם אחתי ואף יכלת וקרא ית שמה נפתלי׃
9 וחזת לאה הלא קעמת ממילד ונסבת ית זלפה שמשתה ויהבת יתה ליעקב לאתה׃ 10 וילדת זלפה שמשת לאה ליעקב בר׃ 11 ואמרת לאה בסור וקרת ית שמה גד׃ (p. 35) 12 וילדת זלפה שמשת לאה בר תנין ליעקב׃ 13 ואמרת לאה במשבעי הלא שבעני בנאתה וקרת יה שמה אשֿר׃
14 ואזל ראובן ביומי חצד חטים ואשקע איתאים בברה ואיתי יתון ליד לאה אמה ואמרת רחל ללאה הוי שבי לי מן איתאות בריֿך׃ 15 ואמרת לה הציבעד מסוביך ית גברי ותסבין אף ית איתאות ברי ואמרת רחל לכן ישכב עמיך לילין חליפת איתאות בריֿך׃ 16 ועאל יעקב מן ברה ברמשה ונפקת לאה לזימונה ואמרת לותי תיעל לילין אגר אגראתך באיתאות בריך ושכב עמה בליליה ההוא׃ 17 ושמע אלהים ללאה ובטנת וילדה ליעקב בר חמישאי׃ 18 ואמרת לאה יהב אלהים אגרי דיהבת שמשתי לגברי וקרת ית שמה יששכר׃ 19 ובטנת עוד לאה וילדת בר שתיתאי ליעקב׃ 20 ואמרת לאה סעדי אלהים יתי שעד טב הזבנה יזבלגי גברי כד ילדת לה שהה בנים וקרת ית שמה זבולן׃ 21 ובתר ילדת ברת וקרת יה שמה דינה׃
22 ואדבר אלהים ית רחל ושמע לה אלהים ופתח ית רחמה׃ 23 ובטנת וילדת בר ואמרת כנש אלהים ית גנואתי׃ 24 וקרת ית שםה יוסף למימר יוזף יהוה לי בר עורן׃ 25 והוה כמה דילדת רחל ית יוסף ואמר יעקב ללבן שלחי ואיזל לאתרי ולארעי׃ 26 אב ית נשי וית ילידי דשמשת עמך בהין ואיזל הלא אתה חכמת יח תשמישי דשמשאתך׃ 27 ואמר לה לבן אם ני אתשקעת רחים בעיניך נסתי וברכני יהוה בגללך׃ 28 ואמר כרז? אגרך עלי ואתנה׃ 29 ואמר לה אתה חכמת ית דשמשאתך וית דהוה קניניך עמי׃ 30 הלא ציבעד דהוה לך לקדמי ופתה לסגי וברך יהוה יתך לסעדי וכדו קליל אעבד אף אנה לביתי׃ 31 ואמר מה אתן לך׃
ואמר יעקב לא תתן לי כלום אם תעבד לי ית ממלה הדן אעז?רה ארעי ענך אטר׃ 32 אעבר בכל ענך יומן אםטי מתמן כל נקי נמור ורסום וכל נקי לחוש באמריה ורסום ונמור בעזיה והי אגרי׃ 33 ותעני בי זכותי ביומה מחר כד ייעל על אגרי לקדמיך כל דליתי נמור ורסום בעזיה ולחוש באמריה גניב הו עמי׃ 34 ואמר לבן והן לא הי כמליך׃ 35 וסטה ביומה ההוא ית תישיה קרועיה ורסומיה וית כל עזיה נמוראתה ורסומאתה וכל דעבֿר בה כל לחוש באמריה ויהב באד בריו׃ 36 ושבי אורע תלתה יומים בינון ובין יעקב ויעקב רעי ית עאן לבן דאתוחרי׃
ואמר מלאך אלהים ליעקב בחלם ואמר יעקב ואמר האנה ואמר תלי שבי עיניך וחזי ית כל ערפיה דראמים על עאנה קרואים נמורים וסמוקים הלא חזית ית כל דלבן עבד לך אנה חיולה דבית אֿל דמשחת תמן קעמה ודנדרת לי תמן נדר וכדו קום פק מן ארעה הז?ה ועזר לארע אבוך ואיטב עמך׃
(p. 36) 37 ונסב לה יעקב אטר דלבן רטיב ולוז וערמון וקלף בהון קלפין עבראן רשום עבראה דעל אטדיה׃ 38 ואקים ית אטריה דקלף במרכחיה בהשקות מיה דאתיתין עאנה למשתי לכבון עאנה ויתיחמן במיתין למשתי׃ 39 ויתיחמן עאנה על אטריה ויילדן ענה קרועים נמורים ורסומים׃ 40 ואמריה אפרש יעקב ויהב קדם ענה דכר קרוע וכל לחוש בעאן לבן ושוֿה לה עדרים לחודה ולא שבֿתון עם עאן לבן׃ 41 והוה בכל יתיחם ענה קטיראתה שבה יעקב ית אטריה לעיני ענה במרכחיה׃ 42 ובפריד ענה לא שוֿה ויהון פרידיה ללבן וקטיריה ליעקב׃ 43 ופתה גברה שריר שריר והוה לה עאן סגין ושמשאן עבדים וגמליה וחמרים׃
1 ושמע ית מלי בני לבן לאמר נסב ית כל דלאבונן ומד לאבונן עבד ית כל איקרה הדן׃ 2 וחזה יעקב ית אפי לבן והא ליתנון עמה כאתמל תליתאי׃
3 ואמר יהוה ליעקב עזר לארע אבהתך ולתילדותך ואהי עמך׃ 4 ושלח יעקב וזעק לרחל וללאה לברה ליד ענה׃ 5 ואמר להין חזי אנה ית אפי אבוכין הלא ליתנון עמי כאתמל תליתאי ואלהי אבה הוה עמי׃ 6 ואתין חכמתין הלא בכל חילי שמשת ית אבוכין׃ 7 ואבוכין דשקר בי וחלף ית אגירותי עסרה גונים ולא יהבה יהוה למבעשה עמי׃ 8 אם אכהן יימר נמורים הי אגרך ויתילדו כל ענה נמורים ואם אכהן יימר קרועים הי אגרך וילדו כל ענה קרועים׃ 9 ואצל יהוה מן קנין אבוכין ויהב לי׃ 10 והוה בזבן אתיחם ענה ותלית עיני וחזית בחלם והא ארפיה דראמים על ענה קרועים נמורים וסמוקין׃
11 ואמר לי מלאך האלהים בחלם יעקב ואמרת האנה׃ 12 ואמר תלי שבי עיניך וחזה ית כל ארפיה דראמים על ענה קרואים נמורים וסמוקים הלא ראית ית כל דלבן עבד לך׃ 13 אנה חיולה דבית אֿל דמשחת תמן קעמה ודנדרת לי תמן נדר וכדו קום פק מן ארעה הדה ועזר לארעה אתילדותך׃ 14 ואגיבי רחל ולאה ואמרי לה העוד לנן חלק ופלגה בבית אבונן׃ 15 הלא כנכראן חשבנן לה הלא זבנן ואכל אף מיכל ית כספנן׃ 16 הלא כל עותרה דאצל יהוה מן אבונן לנן הו ולבנינן וכדו כל דאמר לך אלהים עבד׃
(p. 37) 17 וקם יעקב וסבל ית נשיו וית בריו על גמליה׃ 18 ודהק ית כל קנינו וית כל עותרה דעתר קנין נכסיו דעתר בפדן ארם למיעל ליד יצחק אבוה לארע כנען׃ 19 ולבן אזל למגזית עאנה וגנבת רחל ית תרפיה דלאבוה׃ 20 וגנב יעקב ית לב לבן ארמאה עד דלה החבה לה הלא אקר הו׃ 21 ועקר הוא וכל דלה וקם ועבר ית נהרה ושוהֿ ית אפיו טבר גלעדה׃ 22 ואתהבי ללבן ביומה תליתאה הלא עקר יעקב׃ 23 ונסב ית אחיו עמה ורדף בתרה אורע שבעה יומים ומטה יתה בטבר גלעדה׃
24 ואיתי אלהים ליד לבן ארמאה בחלם לילין ואמר לה אשתמר לך דלה תמלל עם יעקב מטב עד ביש׃ 25 ומטה לבן ית יעקב ויעקב קבע ית משכנה בטברה ולבן קבע עם אחוה בטבר גלעדה׃ 26 ואמר לבן ליעקב מה עבדת וגנבת ית לבבי ודעקת ית בנאתי כשבית חרב׃ 27 למה שבשת למעקר וגנבת יתי ולא הוית לי ואשלחנך בחדו ברבנים בטפו ובזמר׃ 28 ולא כתרתני למנשקה לברי ולבראתי וכדו הסכלה עבדת׃ 29 אית לאל אדי למעבד עמך ביש ואלהה דאבוך רמשית אמר לי למימר השתמר לך ממלל עם יעקב מטב עד ביש׃ 30 וכד מיזולי אזלת הלא סכוי סכית לבית אכוך למה גנבת ית אלהי׃
31 ואגיב יעקב ואמר ללבן הלא דחלת הלא אמרת דלה תעצי ית בנאתך מן עמי׃ 32 עם דתשקע ית אלהיך לא יתוחי קבל אחונן הכר לך מה עמי וסב לך ולא חכם יעקב הלא רחל גנבתון׃ 33 ועל לבן ופתש במשכן יעקב ובמשכן לאה ובמשכן תרתי שמשאתה ולא אשקע ונפק ממשכן לאה ועאל במשכן רחל׃
34 ורחל נסבת ית תרפיה ושותין בכר גמלה ויתבת עליון ובלש לבן ית כל משכנה ולא שקע׃ 35 ואמרת לאבוה הליתקף בעיני רבי הלא לא אכל למקום מקדמיך הלא אורע נשיה לי ופתש ולא שקע ית תרפיה׃
36 ותקף ליעקב ואתיגר בלבן ואגיב יעקב ואמר ללבן מה פשעי ומה עובתי כד ארערת בתרי׃ 37 וכד בלשת ית כל מאני מה שקעת מכל מאני ביתך שוֿי הכה קבל אחי ואחיך ויוכוחון בין תרינן׃
38 דן עסרים שתה אנה עמך רחליך ועזיך לא תכלו דכרי עאנך לא אכלת׃ 39 עטיפה לא אנדית לך אנה אמרקנה מן אדי גניבת אימם וגניבת לילי׃ 40 והוית באימסה אסיפני סתבה וצנתה בלילי ואתנטת שנתי מן עיני׃
(p. 38) 41 דן לי עסרים שתה בביתך שמשאתך ארבע עסרי שתה בתרתי בנאתך ושת שנים בעאנך וחלפת ית אגירותי עסרה גונים׃ 42 אלולי אלהי אבה אלהי אברהם ופרוק יצחק הוה לי הלא כדו ריקן שלחתני מן עמלי ומן ליחות כפי חזה אלהים ויוכח רמשית׃
43 ואגיב לבן ואמר ליעקב בנאתה בנאתי ובניה בני ועאנה עני וכל דאתה חזי לי הו ולבנאתי מה אעבד לאלין יומן אי לבניון דילדו׃ 44 וכדו אתא נקטע קיאם אנה ואתה והי לסעד ביני ובינך׃ 45 ונסב יעקב אבן וארמה קעמה׃ 46 ואמר יעקב לאחיו לקטו אבנים ונסבו אבנים ועבדו גל ואכלו תמן על גלה׃ 47 וקרא לה לבן תותב סעדותה ויעקב קרא לה גל סעד׃ 48 ואמר לבן גלה הדן סעד ביני ובינך יומן על כן קרא שמה גל סעד׃ 49 וקעמתה דאמר יצף יהוה ביני ובינך אן נתכסי גבר מן עברה׃ 50 אם תלבט ית בנאתי ואם תסב נשים על בנאתי לית אנש עמנן חזי אלהים סעד ביני ובינך׃
51 ואמר לבן ליעקב הא גלה הדן והא קעמתה דחזית ביני ובינך׃ 52 סעד גלה הדן וסהדה קעמתה אם אנה לא אעבר לידך ית גלה הדן ואם אתה לא תעבר לי ית גלה הרן וית קעמתה הדה לבישה׃ 53 אלהי אברהם ואלהי נחור יפשר ביננאן אלהי אברהם ואשתבע יעקב בפרוק אבוה יצחק ׃
54 ונכס יעקב נכיסה בטברה וזעק לאחיו למיכל לחם ואכלו לחם ואביתו על טברה׃ 55 ואקדם לבן בצפרה ונשק לבריו ולבנאתה וברך יתון ואזל ועזר לבן לאתרה׃
1 ויעקב אתֿא לשבילה ופגעו בה מלאכי אלהים׃ 2 ואמר יעקב כמה דחזותון משרי אלהים דן וקרא שם אתרה ההוא משרוים׃
3 ושלח יעקב שלחים לקדמיו ליד עשו אחיו ארע גבלה בראי אדום׃ 4 ופקד יתון למימר אכהן תימרון לרבי לעשו אכהן אמר עבדך יעקב עם לבן אתותבת ישחית עד כדו׃ 5 והוה לי תור וחמור ועאן ועבד ושמשאי ושלחת למחבאה לרבאי למתשקעאה רחים בעיניך׃ 6 ועזרו שליחיה ליד יעקב למימר אתינן ליד אחוך ליד עשו ואף אתֿי לזימונך וארבע מואן גבר עמה׃ 7 ודחל יעקב שריר וצדה לה ופלג ית עמה דעמה וית ענה וית תוריה וגמליה לתרתין משריאן׃ 8 ואמר אם ייתי עשו למשריתה חדה ויקטלנה והי משריתה דמשאר לפלטה׃
(p. 39) 9 ואמר יעקב אלהי אבה אברהם ואלהי אבה יצחק יהוה האמר לי עזר לארעך ולתילדותך ואיטב עמך׃ 10 זערת מבל חסדיה ומכל קשטה דעבדת עם עבדך הלא באטרי עברת ית ירדנה הדן וכדו אתהבית לתרתי משריאן׃ 11 אפציתי שבי מן אד אחי מן אד עשו הלא דחל אנה מנה דלה ייעל ויקטלני אמה עם בניה׃ 12 ואתה אמרת היטבו איטב עמך וישבי ית זרעך כחל הים דלא יתמני משגי׃ 13 ואבית תמן בליליה ההוא׃
ונסב מן אתֿי באדה שלחיה לעשו אחוה׃ 14 עזים מאתים ותישים עסרים רחלים מתאים ודרכרים עסרים׃ 15 גמלים מינקן ובריון תלתים פרואן ארבעים ופרים עסרה אתנן עסרין ועירים עסרה׃ 16 ויהב באד עבדיו עדר עדר לודה ואמר לעבדיו עברו לקדמי ורוח תשבון בין עדר ובין עדר׃ 17 ופקד ית קדמאה למימר אן יפגענך עשו אחי וישאלנך למימר למן אתה ואן תיזל ולמן אלין לקדמיך׃ 18 ותימר לעבדך ליעקב שליחה היא משלחה לרבאי לעשו והא אף הוא האחרינן׃ 19 ופקד אף ית תנינה ואף ית תליתה ואף ית כל אזליה בתר עדריה למימר כממללה הדן תמללון עם עשו באשקעותיכון יתה׃ 20 ותימרון אף הא עבדך יעקב אתי בתרנן הלא אמר אשפי אפיו בשליחה האזלה לקדמי ובתר כן אחזי אפיו לוי יתלי אפי׃ 21 ועברת שליחתה לקדמיו והוה אבית בליליה ההוא במשריאתה׃
22 וקם בליליה ההוא ונסב ית תרתי נשיו וית תרתי שמשאתה וית חדה עסר ילידיו ועבר ית מעבר יבקה׃ 23 ונסבון ועברון ית נחלה ועבר ית כל דלה׃ 24 ואתותר יעקב לודה ואגשש אישה עמה עד אסתלקות שחרה׃ 25 וחזה הלא לא יכל לה וקרב בכף ירכה וקעת כף ירך יעקב בגשושת עמה׃ 26 ואמר שלחי הלא אסתלק שחרה ואמר לא אשלחך הלא אם ברכתני׃ 27 ואמר לה מה שמך ואמר יעקב׃ 28 ואמר לא יעקב יתאמר עוד שמך הלא עם ישראל הלא שרית עם אלהים אם אנשה ותכל׃ 29 ושאל יעקב ואמר החביני שמך ואמר לה דן תשאל לשמי וברך יתה תמן׃ 30 וקרא יעקב שם אתרה פנואל הלא חזאתי אלהים אפים לאפים ואתפצית נפשי׃ 31 ודנע לה שמשה כמה דעבר ית פנואל והוא חתים על ירכה׃ 32 על כן לא ייכלון ברי ישראל ית גיד נסיה דעל כף ירכה עד יומה הדן הלא קרב בכף ירך יעקב בגיד נסיה׃