Isaiah 1:1   חזון יְשַֽׁעְיָהוּ בן אמוץ אשר חזה על יהודה וירושלם בימי עזיהו יותם אחז יחזקיהו מלכי יהודה׃
Isaiah 1:1    חֲזֹון יְשַֽׁעְיָהוּ בֶן אָמֹוץ אֲשֶׁר חָזָה עַל יְהוּדָה וִירוּשָׁלִָם בִּימֵי עֻזִּיָּהוּ יֹותָם אָחָז יְחִזְקִיָּהוּ מַלְכֵי יְהוּדָֽה׃
Isaiah 1:2   שמעו שמים והאזיני הארץ כיא יהוה דבר בנים גדלתי ורוממתי והם פשעו בי׃
Isaiah 1:2   שִׁמְעוּ שָׁמַיִם וְהַאֲזִינִי הַאֶרֶץ כִּיא יְהוָה דִּבֵּר בָּנִים גִּדַּלְתִּי וְרֹומַמְתִּי וְהֵם פָּשְׁעוּ בִֽי׃
Isaiah 1:3  ידע שור קנההו וחמור אבוס בעליו ישראל לוא ידע ועמי לוא התבונן׃
Isaiah 1:3    יָדַע שֹׁור קֹנֵההוּ וַחֲמֹור אֵבוּס בְּעָלָיו יִשְׂרָאֵל לוֹא יָדַע ועַמִּי לוֹא הִתְבֹּונָֽן׃
ָIsaiah 1:4    הוי גוי חטה עם כבד עוון זרע מרעים בנים משחיתים עזבו את יהוה נאצו את קדוש ישראל נזרו אחור׃
Isaiah 1:4    הֹוי גֹּוי חֹטֵא עַם כֶּבֶד עָוּוֹן זֶרַע מְרֵעִים בָּנִים מַשְׁחִיתִים עָזְבוּ אֶת יְהוָה נִֽאֲצוּ אֶת קְדֹושׁ יִשְׂרָאֵל נָזֹרוּ אָחֹֽור׃
Isaiah 1:5    על מה תכו עוד תוסיפו סרה כל ראיש לחלי וכל לבב דוה׃
Isaiah 1:5    עַל מֶה תֻכּוּ עֹוד תֹּוסִיפוּ סָרָה כָּל רֹאישׁ לָחֳלִי וְכָל לֵבָב דַּוָּֽה׃
Isaiah 1:6    מכף רגל ועד רואש אין בו מתם פצע וחבורה ומכה טריה לוא זרו ולוא חבשו ולוא רככה בשמן׃
Isaiah 1:6    מִכַּף רֶגֶל וְעַד רוֹאשׁ אֵֽין בּוֹ מְתֹם פֶּצַע וְחַבּוּרָה וּמַכָּה טְרִיָּה לוֹא זֹרוּ וְלוֹא חֻבָּשׁוּ וְלוֹא רֻכְּכָה בַּשָּֽׁמֶן׃
Isaiah 1:7    ארצכם שממה עריכם שרפות אש אדמתכם לנגדכם זרים איכלים אתיה ושממה אליה כמהפכת זרים׃
Isaiah 1:7    אַרְצְכֶם שְׁמָמָה עָרֵיכֶם שְׂרֻפֹות אֵשׁ אַדְמַתְכֶם לְנֶגְדְּכֶם זָרִים אֹיכְלִים אֹתָיהּ וּשְׁמָמָה אֹליהּ כְּמַהְפֵּכַת זָרִֽים׃
Isaiah 1:8    ונותרה בת ציון כסוכה בכרם וכמלונה במקשה כעיר נצורה׃
Isaiah 1:8    וְנֹותְרָה בַת צִיֹּון כְּסוכָּה בְכָרֶם וכִּמְלוּנָה בְמִקְשָׁה כְּעִיר נְצוּרָֽה׃
Isaiah 1:9    לולי יהוה צבאות הותיר לנו שריד כמעט כסודם היינו לעמרה דמינו׃
Isaiah 1:9    לוּלֵי יְהוָה צְבָאֹות הֹותִיר לָנוּ שָׂרִיד כִּמְעָט כִּסְודֹם הָיִינוּ לַעֲמֹרָה דָּמִֽינוּ׃
Isaiah 1:10  שמעו דבר יהוה קציני סדם והאזינו תורת אלהינו עם עומרה׃
Isaiah 1:10    שִׁמְעוּ דְבַר יְהוָה קְצִינֵי סְדֹם והַאֲזִינוּ תֹּורַת אֱלֹהֵינוּ עַם עֲומֹרָֽה׃
Isaiah 1:11   יא למה לי רוב זבחיכם יואמר יהוה שבעתי עלות אילים וחלב מריאים ודם פרים וכבשים ועתודים לוא חפצתי׃
Isaiah 1:11    יא לָמָּה לִּי רֹוב זִבְחֵיכֶם יֹואמַר יְהוָה שָׂבַעְתִּי עֹלֹות אֵילִים וְחֵלֶב מְרִיאִים וְדַם פָּרִים וּכְבָשִׂים וְעַתּוּדִים לוֹא חָפָֽצְתִּי׃
Isaiah 1:12   כי תבאו לראות פני מי בקש זאת מידכם לי רמס חצרי׃
Isaiah 1:12    כִּי תָבֹאוּ לֵרָאֹות פָּנָי מִי בִקֵּשׁ זֹאת מִיֶּדְכֶם לי רְמֹס חֲצֵרָֽי׃
Isaiah 1:13   לוא תוסיפו להביא מנחת שוא קטרת תועבה היא לי חדש ושבת קרא מקרא לוא אוכל און ועצרמה׃
Isaiah 1:13    לוֹא תֹוסִיפוּ להָבִיא מִנְחַת שָׁוְא קְטֹרֶת תֹּועֵבָה הִיא לִי חֹדֶשׁ וְשַׁבָּת קְרֹא מִקְרָא לוֹא אוּכַל אָוֶן וַעֲצָרָֽמָה׃
Isaiah 1:14   חדשיכם ומועדיכם שנאה נפשי היו עלי לטרח נלאיתי נשא׃
Isaiah 1:14    חָדְשֵׁיכֶם וּמֹועֲדֵיכֶם שָׂנְאָה נַפְשִׁי הָיוּ עָלַי לָטֹרַח נִלְאֵיתִי נְשֹֽׂא׃
Isaiah 1:15   ובפרשכם כפיכם אעלים עיני מכם גם כי תרבו תפלה אינני שומע  ידיכמ דמיםה מלאו׃
Isaiah 1:15    וּבְפָרִשְׂכֶם כַּפֵּיכֶם אַעְלִים עֵינַי מִכֶּם גַּם כִּֽי תַרְבּוּ תְפִלָּה אֵינֶנִּי שֹׁומֵעַ יְדֵיכֶם דָּמִימָה מָלֵֽאוּ׃
Isaiah 1:16   מאון רחצו והזכו והסירו רוע מעלליכם מנגד עיני  חדלו הרע׃
Isaiah 1:16    מָאוּן רַחֲצוּ וְהִזַּכּוּ וְהָסִירוּ רוֹעַ מַעַלְלֵיכֶם מִנֶּגֶד עֵינָי חִדְלוּ הָרֵֽעַ׃
Isaiah 1:17   למדו היטב דרושו משפט אשרו חמוץ שפטו יאתום ריבו אלמנה׃
Isaiah 1:17    למְדוּ הֵיטֵב דִּרְושׁוּ מִשְׁפָּט אַשְּׁרוּ חָמֹוץ שִׁפְטוּ יָאתֹום רִיבוּ אַלְמָנָֽה׃
Isaiah 1:18   לכו נא ונוכחה יואמר יהוה אם יהיו חטאיכם כשנים כשני כשלג ילבינו אם יאדימו כתולע כצמר יהיו׃
Isaiah 1:18    לְכוּ נָא וְנִוָּֽכְחָה יֹואמַר יְהוָה אִם יִֽהְיוּ חֲטָאֵיכֶם כַּשָּׁנִים כַּשֶּׁני כַּשֶּׁלֶג יַלְבִּינוּ אִם יַאְדִּימוּ כַתֹּולָע כַּצֶּמֶר יִהְיֽוּ׃
Isaiah 1:19   אם תאבו ושמעתם טוב הארץ תאכלו׃
Isaiah 1:19    אִם תֹּאבוּ וּשְׁמַעְתֶּם טוּב הָאָרֶץ תֹּאכֵֽלוּ׃
Isaiah 1:20   ואם תמאנו ומריתם חרב תאכלו כיא פי יהוה דבר׃
Isaiah 1:20    וְאִם תְּמָאֲנוּ וּמְרִיתֶם חֶרֶב תְּאֻכְּלוּ כִּיא פִּי יְהוָה דִּבֵּֽר׃
Isaiah 1:21   איכה היותה לזונה קריה נאמנה מלאתי משפט צדק ילין בה ועתה מרצחים׃
Isaiah 1:21    אֵיכָה הָיְותָה לְזֹונָה קִרְיָה נֶאֱמָנָה מְלֵאֲתִי מִשְׁפָּט צֶדֶק יָלִין בָּהּ וְעַתָּה מְרַצְּחִֽים׃
Isaiah 1:22   כספך היה לסיגים סבאך מהול במים׃
Isaiah 1:22    כַּסְפֵּךְ הָיָה לְסִיגִים סָבְאֵךְ מָהוּל בַּמָּֽיִם׃
Isaiah 1:23   שריך סוררים וחברי גנבים כולם אוהבי שוחד רודףי שלמונים יאתום לוא ישפטו וריב אלמנה לוא יבוא אליהם׃
Isaiah 1:23    שָׂרַיִךְ סֹורְרִים וְחַבְרֵי גַּנָּבִים כולֹּם אֹוהֵבי שֹׁוחַד רֹוְדֵףי שַׁלְמֹונִים יָאתֹום לוֹא יִשְׁפֹּטוּ וְרִיב אַלְמָנָה לוֹא יָבֹוא אֲלֵיהֶֽם׃
Isaiah 1:24   לכן נאום האדון יהוה צבאות אביר ישראל הוי אנחום מצריו ואנקמה מאויבי׃
Isaiah 1:24    לָכֵן נְאֻום הָֽאָדֹון יְהוָה צְבָאֹות אֲבִיר יִשְׂרָאֵל הֹוי אֶנָּחֵום מִצָּרַיוְ וְאִנָּקְמָה מֵאֹויְבָֽי׃
Isaiah 1:25   ואשיב ידי עליך ואצרף כבר סיגיך ואסיר כול בדיליך׃
Isaiah 1:25    וְאָשִׁיבָ יָדִי עָלַיִךְ וְאֶצְרֹף כַּבֹּר סִיגָיִךְ וְאָסִירָה כָּוֹל־ בְּדִילָֽיִךְ׃
Isaiah 1:26   ואשיבה שופטיך כבראשנ ויעציך כבתחלה אחרי כן יקראו לך עיר הצדק קריה נאמנה׃
Isaiah 1:26    וְאָשִׁיבָה שֹׁוֹפְטַיִךְ כְּבָרִאשֹׁנָ וְיֹעֲצַיִךְ כְּבַתְּחִלָּה אַחֲרֵי כֵן יִקָּרֵאו לָךְ עִיר הַצֶּדֶק קִרְיָה נֶאֱמָנָֽה׃
Isaiah 1:27   ציון במשפט תפדה ושביה בצדקה׃
Isaiah 1:27    צִיֹּון בְּמִשְׁפָּט תִּפָּדֶה וְשָׁבֶיהָ בִּצְדָקָֽה׃
Isaiah 1:28   ושבר פושעים וחטאים יחדו ועזבי יהוה יכלו׃
Isaiah 1:28    וְשֶׁבֶר פֹּושְׁעִים וְחַטָּאִים יַחְדָּו וְעֹזְבֵי יְהוָה יִכְלֽוּ׃
Isaiah 1:29   כיא יבושו מאלים אשר חמדתם ותחפרו מהגנות אשר בחרתם׃
Isaiah 1:29    כִּיא יֵבֹושׁוּ מֵאֵלִים אֲשֶׁר חֲמַדְתֶּם וְתַחְפְּרוּ מֵהַגַּנֹּות אֲשֶׁר בְּחַרְתֶּֽם׃
Isaiah 1:30   כי תהיו כאלה נובלת עלה וכגנה אשר אין מים לוה׃
Isaiah 1:30    כִּי תִֽהְיוּ כְּאֵלָה נֹובֶלֶת עָלֶהָ וּֽכְגַנָּה אֲשֶׁר אֵין מַיִם לָֽוהּ׃
Isaiah 1:31   לוא והיה החסנכם לנערת ופעלכם לניצוץ ובערו שניהם יחדו ואין מכבה׃
Isaiah 1:31    לוֹא וְהָיָה הֶחָסֹנכֶם לִנְעֹרֶת וּפֹעֲלֹכֶם לְנִיצֹוץ וּבָעֲרוּ שְׁנֵיהֶם יַחְדָּו וְאֵין מְכַבֶּֽה׃

Verses are taken from The original Great Isaiah Scroll (1QIsa^a) published by Government of Israel | Accession number: HU 95.57/27 ,  http://dss.collections.imj.org.il/isaiah
Verses transcribed by ing. Bodin Florin Ciprian (orynider @ gmail.com) in 2020 and missing redish words from broken margins are from Codex Aleppo, http://beitdina.net |
You need the 'open source' Isaiah.ttf font included for example in an collection archive such as AncientSemiticFonts-0.06-1-WIN.ZIP